எதிர்க்கட்சித் தலைவரை கடுமையாக சாடும் பிரசன்ன ரணதுங்க
எதிர்க்கட்சித் தலைவர் கிரிக்கெட்டை பயன்படுத்தி அரசியல் லாபம் பெற முயற்சிக்கிறார் என ஆளும் தரப்பு பிரமத கொறடாவும் அமைச்சருமான பிரசன்ன ரணதுங்க தெரிவித்துள்ளார்.
நாடாளுமன்றத்தில் நேற்றைய தினம்(08) இடம்பெற்ற கிரிக்கெட் நிர்வாக சபையில் இடம்பெற்ற ஊழல்கள் தொடர்பில் விளையாட்டுத்துறை மற்றும் இளைஞர் விவகார அமைச்சர் ரொஷான் ரணசிங்கவின் உரையின் பின்னர் எதிர்க்கட்சித் தலைவர் தெரிவித்த கருத்துக்கு பதிலளிக்கையிலேயே அமைச்சர் மேற்கண்டவாறு தெரிவித்துள்ளார்.
இவ்விடயம் தொடர்பில் எதிர்க்கட்சித் தலைவர் சஜித் பிரேமதாச கூறுகையில்,
கிரிக்கெட் நிர்வாக சபை
“கிரிக்கெட் நிர்வாக சபை குறித்து இந்த பாராளுமன்றத்தில் விவாதித்து தீர்மானம் நிறைவேற்றுவோம். ஊழல் நிறைந்த கிரிக்கெட் நிர்வாக சபையை வீட்டுக்கு அனுப்ப அரசும் எதிர்க்கட்சியும் இணைந்து பாடுபடுவோம்.
நாடாளுமன்ற நிலையியற் கட்டளைகளுக்கு மத்தியில் ஒளிந்து கொள்ளாமல் பணிகளை செய்வோம். இது தொடர்பாக பிரதமர் மற்றும் அரச தரப்பின் பிரதம கொறடா ஆகியோரிடம் கோரிக்கை விடுக்கின்றோம்.
எதிர்க்கட்சிகளுக்கு மட்டுமின்றி, அரசும், எதிர்க்கட்சியும் இணைந்து இந்தப் பணியைச் செய்ய வேண்டும். இந்த ஊழல் கிரிக்கெட் நிர்வாகத்தை வீட்டுக்கு அனுப்புவோம். அதற்காக வித்தியாசம் பார்க்காமல் ஒன்றுபடுவோம்.” என்றார்.
நீதிமன்ற தீர்ப்பு
இதற்கு அமைச்சர் பிரசன்ன ரணதுங்க பதிலளிக்கையில்,
“கிரிக்கெட் சபை திருடர்களின் கூடாரம் என நான் இந்த சபையில் செவ்வாய்க்கிழமை தெரிவித்தேன். அதற்கான நடவடிக்கைகளை அமைச்சர் எடுத்துள்ளார்.
நீதிமன்ற தீர்ப்பு குறித்து நான் பேசப்போவதில்லை. அந்த முடிவுகளை விமர்சிக்க எனக்கு உரிமை இல்லை. இலங்கை கிரிக்கெட் சபை தொடர்பாக தீர்மானம் மேற்கொள்ள நாங்கள் தயார்.
விளையாட்டு அமைச்சரின் கருத்துடன் நாங்கள் உடன்படுகிறோம்.
கடந்த வருடம் நாட்டில் பாரிய பிரச்சினைகள் ஏற்பட்டன. நாட்டின் பொருளாதாரத்தை கட்டியெழுப்ப அனைவரும் ஒன்றிணையுமாறு அழைப்பு விடுக்கப்பட்டது.
அப்போது ஒன்று சேராதவர்கள் அப்போது செய்தது போல் இப்பிரச்சினையிலும் அரசியல் லாபம் அடைய முயற்சிக்கின்றனர்.” என குற்றம்சாட்டியுள்ளார்.
கேகாலை, யாழ்ப்பாணம், Herning, Denmark, Toronto, Canada
19 Sep, 2023
யாழ்ப்பாணம், மானிப்பாய், தொல்புரம், London, United Kingdom
12 Sep, 2024
