இக்கட்டான நிலையில் இலங்கை - சர்வதேச நாணய நிதியத்தின் கடனுதவி கிடைக்காமல் போகக்கூடிய அபாயம்!

International Monetary Fund Sri Lanka Economic Crisis Economy of Sri Lanka

By Kathirpriya Aug 06, 2023 08:35 AM GMT

Kathirpriya

in சமூகம்

Report

இலங்கைக்கு அடுத்த மாதம் கிடைக்கவுள்ள சர்வதேச நாணய நிதியத்தின் இரண்டாம் தவணை கடன் திட்டமிட்டபடி உரிய நேரத்திற்கு கிடைக்காமல் போக வாய்ப்புகள் உள்ளது.

சிறிலங்காவின் வடமேற்குப் பல்கலைக்கழகத்தின் பேராசிரியர் அமிந்த மெத்சில பெரேராவே மேற்கண்டவாறு தெரிவித்துள்ளார்.

கடந்த மே மாத நிலவரத்திற்கமைய, சர்வதேச நாணய நிதியம் எதிர்பார்த்த இலக்குகளில் 39 சதவீதம் மாத்திரமே எட்டியுள்ளதாக அவர் குறிப்பிட்டுள்ளார்.

மேலும், ஜூன் மாதத்தில் 55 சதவீதம் என்ற இலக்கில் சுமார் 33 சதவீதம் நிறைவடைந்துள்ளது. இந்த 33 சதவீதத்திற்குள் மோசடி மற்றும் ஊழல் குறைப்புச் சட்டம், மற்றும் இலங்கை மத்திய வங்கியின் சுதந்திரச் சட்டம் ஆகியவற்றின் நடைமுறை ஆகியவை உள்ளடக்கப் பட்டுள்ள போதிலும், அவை ஜூன் மாதத்தில் மேற்கொள்ளப்படவில்லை என்பதும் குறிப்பிடத்தக்கது.

அதுமாத்திரமல்லாமல் செப்டெம்பர் மாதத்திற்குள் நிறைவேற்றப்பட வேண்டிய 77 சதவீத தொகையை பூர்த்தி செய்வது தற்போது கடும் சவாலாக மாறியுள்ளதாகவும் அவர் சுட்டிக்காட்டியுள்ளார்.

மேலும் இலங்கைக்கு சர்வதேச நாணய நிதியத்தின் முதல் தவணை பணம் கிடைக்க 400 நாட்கள் சென்றன, ஆனால் பங்களாதேஷ் போன்ற நாடுகள் ஒரு மாதத்தில் முதல் தவணையை பெற முடிந்ததாகவும் அவர் குறிப்பிட்டார்.

இது தொடர்பான மேலும் பல விடயங்களை மத்திய நேர செய்தித் தொகுப்பில் காண்க.