சர்வதேச நாணய நிதியத்தின் உதவி தொடர்பில் சம்பிக்க விடுத்துள்ள எச்சரிக்கை
Beulah
in பொருளாதாரம்
புலனாய்வு தகவல்களை உதாசீனம் செய்யாமல் நடவடிக்கை எடுத்திருந்தால் உயிர்த்த ஞாயிறு குண்டு தாக்குதலை தடுத்திருக்கலாம் என நாடாளுமன்ற உறுப்பினர் சம்பிக்க ரணவக்க தெரிவித்துள்ளார்.
கொழும்பில் நேற்று (25) இடம்பெற்ற மக்கள் சந்திப்பொன்றில் கலந்துகொண்டு உரையாற்றுகையிலேயே இவ்வாறு குறிப்பிட்டுள்ளார்.
இதுகுறித்து மேலும் அவர் கருத்து தெரிவிக்கையில்,
புலனாய்வு எதிர்வுக்கூறல்கள்
“உயிர்த்த ஞாயிறு குண்டுத்தாக்குதல் இடம்பெறபோவது குறித்து புலனாய்வு தகவல் கிடைக்கப்பெற்றும் அது தொடர்பில் பாதுகாப்பு பிரிவினர் அலட்சியமாக இருந்தமையாலே இந்த சம்பவத்தை தடுக்க முடியாமல் போனதா என பலரும் கேட்கின்றனர்.
அது உண்மை. அவ்வாறானதொரு அச்சுறுத்தலே 2020 மார்ச் 7ஆம் திகதி மஹிந்த ராஜபக்ச நிதி அமைச்சராகவும் கோத்தாய ராஜபக்ச அதிபராகவும் இருக்கும் போது சர்வதேச நாணய நிதியம் மத்திய வங்கிக்கு விடுத்திருந்தது.
அரசாங்கத்தின் பொருளாதார கொள்கை பிழை. தனவந்தர்களுக்கு வரி விலக்களிப்பதற்கு மேற்கொண்ட தீர்மானம் பிழை. இதனை உடனடியாக சரி செய்ய வேண்டும். இல்லாவிட்டால் பாரிய நிதி நெருக்கடிக்கு ஆளாகி வங்குரோத்து நிலை அடையும் என இரகசிய கடிதம் ஒன்றை வழங்கி இருந்தது.
ஆனால் அந்த அரசாங்கத்தில் இருந்த அமைச்சர்கள் சிலர் நாணய நிதியத்தின் எச்சரிக்கை கடிதம் தொடர்பில் கருத்திற்கொள்ளாமல் வீராப்பு பேசி வந்தார்கள்.
சர்வதேச நாணய நிதியத்தின் உதவி இல்லாமல் எமது பொருளாதாரத்தை கட்டியெழுப்ப முடியும் என தெரிவித்து வந்தார்கள்.
ஒரு இலட்சம் கிலோ மீட்டர் வீதி செப்பனிடும் வேலைத்திட்டத்தை ஆரம்பிக்கும்போது, இதற்கு பணம் எவ்வாறு பெற்றுக்கொள்வது என கேட்டபோது போதுமானளவு பணம் இருப்பதாக பதிலளித்தார்கள்.
அதேபோன்று அன்றிருந்த மின்சார அமைச்சர், எரிபொருள் அமைச்சர்களும் இவ்வாறே பதில் சொன்னார்கள்.
இறுதியில் நாடு பாதாலத்தில் விழும்வரைக்கும் அவர்களுக்கு தெரியாது. அத்துடன் இந்த மாதம் மிகவும் தீர்மானம் மிக்கதாகும்.
சர்வதேச நாணய நிதியம்
வெளிநாட்டு கடன்களை மீள செலுத்துவது தொடர்பில் நாங்கள் ஒரு இணக்கப்பாட்டுக்கு வரவேண்டும். ஆனால் மாதம் முடிவடைவதற்கு இன்னும் 5நாட்களே இருக்கின்றன.
இதுவரை எந்த இணக்கப்பாட்டுக்கும் வரவில்லை. இணக்கப்பாட்டுக்கு வர முடியாமல் போனால், சர்வதேச நாணய நிதியத்தின் இணக்கப்பட்டின் இரண்டாம் கட்டத்துக்கு செல்ல எங்களுக்கு முடியாமல் போகும் அபாயம் இருக்கிறது.
அதனால் எமது நாடு இன்னும் பாதாலத்தில் தொங்கிக்கொண்டுதான் இருக்கிறது என்பதை நினைவில் கொள்ள வேண்டும்.” என்றார்.
நவக்கிரி, நல்லூர், மானிப்பாய், கொழும்பு, Bunschoten, Netherlands
20 Dec, 2024
தொண்டைமானாறு, காங்கேசன்துறை, London, United Kingdom
23 Nov, 2024
சுழிபுரம், கொழும்பு, Reutlingen, Germany, Ravensburg, Germany, London, United Kingdom, சென்னை, India
16 Dec, 2024
