சர்வதேச சமூகத்தை முட்டாளாக்கும் சிறிலங்கா அரசாங்கம் - விடுக்கப்பட்ட கடுமையான வலியுறுத்தல்!

Human Rights Council Sri Lanka Sri Lanka Final War Crime

By Kalaimathy Sep 12, 2022 05:50 AM GMT

Kalaimathy

in அரசியல்

Report

இலங்கையில், யுத்தம் முடிவடைந்து 13 வருடங்கள் கடந்துள்ள நிலையில், உள்ளூர் பொறிமுறை என கூறி பாதிக்கப்பட்டவர்களை மற்றும் சர்வதேச சமூகத்தை சிறிலங்கா அரசாங்கங்கள் முட்டாளாக்கியுள்ளன என்று உலக தமிழர் பேரவையின் பேச்சாளர் சுரேன் சுரேந்திரன் தெரிவித்துள்ளார்.

இதேவேளை சர்வதேச மனித உரிமைகள் மற்றும் மனிதாபிமானச் சட்டங்களை மீறியமைக்கான விசாரணை, சாட்சியங்களை சேகரித்தல், பொறுப்புக்கூறல், நீதி வழங்குதல் ஆகிய அனைத்து நடவடிக்கைகளும் மேற்கொள்ளப்பட வேண்டும் என உலக தமிழர் பேரவை வலியுறுத்தல் விடுத்துள்ளது.

சர்வதேச பொறிமுறையை வலியுறுத்தும் தமிழர் பேரவை

சர்வதேச சமூகத்தை முட்டாளாக்கும் சிறிலங்கா அரசாங்கம் - விடுக்கப்பட்ட கடுமையான வலியுறுத்தல்! | Sri Lanka Global Tamil Forum War Crime Human Right

மேலும் இலங்கையில் இடம்பெற்றதாகக் கூறப்படும் போர்க்குற்றங்களை விசாரிப்பதற்கும், பொறுப்புக் கூறலை உறுதி செய்வதற்கும், பாதிக்கப்பட்ட தரப்பினருக்கு நீதி வழங்குவதற்குமான ஒரு சர்வதேச பொறிமுறையை வலியுறுத்தவுள்ளதாகவும் தெரிவித்துள்ளது.

இது தொடர்பில் பேரவையின் பேச்சாளர் கருத்துத் தெரிவிக்கையில்,

“புதிய தீர்மானம், நிலைமாறுகால நீதியின் ஒரு பகுதியாக, இதேபோன்ற நிகழ்வுகள் மீண்டும் நிகழாமல் இருக்க வேண்டும் மற்றும் உள்நாட்டு போரில் இடம்பெற்ற பிரச்சினைகளின் மூல காரணங்களுக்கான அரசியல் தீர்வைக் கோர வேண்டும்.

அனைத்து மாகாணங்களுக்கும் அதிகார பகிர்வு

இலங்கையின் ஆட்சிக் கட்டமைப்பை அர்த்தப்படுத்த வேண்டும் என்றும் மாகாணங்களுக்கு அதிகபட்ச அதிகாரப் பகிர்வை அனுமதிக்கும் வகையில் அரசியலமைப்பு திருத்தப்பட்டு வடக்கு மற்றும் கிழக்கு மாகாணங்களுக்கு மட்டும் மட்டுப்படுத்தப்படாமல், ஏனைய ஏழு மாகாணங்களுக்கும் வழங்கப்பட வேண்டும்” என்றும் குறிப்பிட்டுள்ளார்.