சர்வதேசக் கடன் சந்தையின் பிடிக்குள் இலங்கை! எச்சரிக்கும் சம்பிக்க

சர்வதேசக் கடன் சந்தைகளில் வட்டி விகிதங்கள் உயர்வாக இருக்கும் சூழலில், கடன் நெருக்கடியைச் சந்தித்த இலங்கை மீண்டும் வெளிநாட்டுச் சந்தைகளில் கடன் பெற முயற்சித்தால் அதிக செலவுகளை எதிர்கொள்ள நேரிடலாம் என முன்னாள் அமைச்சர் பாட்டலி சம்பிக்க ரணவக்க சம்பிக்க ரணவக்க கூறியுள்ளார்.

2022ஆம் ஆண்டு ஏற்பட்ட பொருளாதார நெருக்கடியிலிருந்து மீள இலங்கை சர்வதேச நாணய நிதியத்தின் (IMF) உதவித் திட்டத்தை நடைமுறைப்படுத்தி வருகிறது.

இந்தத் திட்டம் பொருளாதாரத்தை ஸ்திரப்படுத்துவதற்கும் கடன் மறுசீரமைப்பிற்கும் உதவக்கூடியதாக இருந்தாலும், நீண்டகாலப் பொருளாதார வளர்ச்சிக்குத் தேவையான உற்பத்தித் திறன் மற்றும் ஏற்றுமதி வருமானத்தை உருவாக்குவது அவசியம் எனவும் அவர் வலியுறுத்தியுள்ளார்.

புத்தளத்தில் இருவரின் உயிரைப் பறித்த பேருந்து விபத்து:15 இற்கும் மேற்பட்டோர் வைத்தியசாலையில்

இலங்கைக்கு நிதி மற்றும் பொருளாதார உதவி

வலைதள ஊடகம் ஒன்றுக்கு வழங்கிய நேர்காணலில் மேற்கண்ட விடயத்தை சுட்டிக்காட்டிய அவர் மேலும் தெரிவிக்கையில்,

''சர்வதேசக் கடன் சந்தைகளில் வட்டி விகிதங்கள் உயர்வாக இருக்கும் சூழலில், கடன் நெருக்கடியைச் சந்தித்த இலங்கை மீண்டும் வெளிநாட்டுச் சந்தைகளில் கடன் பெற முயற்சித்தால் அதிக செலவுகளை எதிர்கொள்ள நேரிடலாம்.

இது நாட்டின் கடன் சுமையை மேலும் அதிகரிக்கும் அபாயத்தைக் கொண்டுள்ளது. கடந்த காலங்களில் இலங்கைக்கு நிதி மற்றும் பொருளாதார உதவிகளை வழங்கிய அண்டை நாடுகளும் தங்களது சொந்தப் பொருளாதார முன்னுரிமைகளைக் கொண்டுள்ளன.

எனவே, எதிர்கால நெருக்கடிகளை எதிர்கொள்ள வெளிநாட்டு உதவிகள் தொடர்ந்து கிடைக்கும் என்ற எதிர்பார்ப்பில் மட்டும் இலங்கை தங்கியிருக்க முடியாது.

இலங்கை தனது எரிசக்தித் தேவைகள், உணவு உற்பத்தி மற்றும் அத்தியாவசியப் பொருட்களுக்கான இறக்குமதிச் சார்பைக் குறைப்பதில் கவனம் செலுத்த வேண்டும்.

யாழ்ப்பாணத்தில் கோர விபத்து: 67 வயது முதியவர் பலி

சர்வதேசச் சந்தைகளுக்கான அணுகல்

விவசாயம், புதுப்பிக்கத்தக்க எரிசக்தி, தொழில்துறை உற்பத்தி மற்றும் ஏற்றுமதி பல்வகைப்படுத்தல் ஆகிய துறைகளில் முதலீடுகளை அதிகரிப்பதன் மூலம் வெளிநாட்டு நாணயத் தேவையைக் கட்டுப்படுத்தவும் வேலைவாய்ப்புகளை உருவாக்கவும் முடியும்.

அதேவேளை, உள்நாட்டு உற்பத்தியை அதிகரிப்பதுடன், சர்வதேசச் சந்தைகளுக்கான அணுகல், தொழில்நுட்ப மேம்பாடு மற்றும் தனியார் முதலீடுகளையும் ஊக்குவிப்பது அவசியமாகும் .

மொத்தத்தில், ஐரோப்பாவின் பொருளாதாரச் சவால்கள் உலக வர்த்தகம் மற்றும் முதலீட்டில் ஏற்படுத்தக்கூடிய மாற்றங்களை இலங்கை கவனத்தில் கொள்ள வேண்டும்.

IMF உதவியை மட்டும் நம்பாமல், நீடித்த பொருளாதார வளர்ச்சிக்கான உள்நாட்டு உற்பத்தி, ஏற்றுமதி வருமானம் மற்றும் பொருளாதாரத் தன்னிறைவு ஆகியவற்றை வலுப்படுத்த வேண்டும்" என கூறியுள்ளார்.