வருகை தரு விசா முறைமை விவகாரம்: மீண்டும் அழைக்கப்பட்டுள்ள அதிகாரிகள்!

Sri Lanka Sri Lanka visa Harsha de Silva Tourist Visa

By Shadhu Shanker Jun 02, 2024 08:46 AM GMT

Shadhu Shanker

in சமூகம்

Report

இலங்கையின் வருகை தரு இணைய விசா முறையை மூன்றாம் தரப்புக்கு (Outsource) வழங்கியமை தொடர்பில் விளக்கத்தை பெற்றுக்கொள்வதற்காக, பொதுப் பாதுகாப்பு மற்றும் குடிவரவுத்துறையின் உயர் அதிகாரிகளுக்கு மீண்டும் நாடாளுமன்றக் குழுவினால் அழைப்பு விடுக்கப்பட்டுள்ளது.

இதற்கு முன்னதாக இவர்களை, கடந்த மே 14ஆம் திகதியன்று வருமாறு அழைப்பு விடுக்கப்பட்டபோதும், அவர்கள் அந்த அழைப்பை புறக்கணித்திருந்தனர்.

இந்நிலையில் மீண்டும், எதிர்வரும் 4 ஆம் திகதி அவர்களை அழைத்துள்ளதாக பொது நிதிக்கான நாடாளுமன்றக் குழுவின் தலைவர் ஹர்ச டி சில்வா (Harsha De Silva) தெரிவித்துள்ளார்.

வருகை தரு விசா முறையில் குளறுபடி

எனினும், இது தொடர்பில் ஹர்ச டி சில்வா, நாடாளுமன்ற சிறப்புரிமை பிரச்சினையை எழுப்பியிருந்ததோடு எதிர்வரும் செவ்வாய்க்கிழமை குறித்த அதிகாரிகள் வெளியிடும் தகவல்களின் அடிப்படையில் உண்மைகள் வெளிப்படுத்தப்படும் என்றும் தெரிவித்துள்ளார்.

on arrival visa

இலங்கையின் குடிவரவுத்திணைக்களம் மேற்கொண்டு வந்த வருகைத்தரு விசா இணையச்சேவை, மூன்றாம் தரப்புக்கு வழங்கப்பட்ட நிலையில், இந்த பிரச்சினை உருவானது.

இதனையடுத்து, குறித்த சேவையை மீண்டும் குடிவரவுத்துறை பொறுப்பேற்று நடத்தி வருகிறது.

இதேவேளை, தாய்லாந்து, அண்மையில் இலவச வருகைத்தரு விசாவை அறிமுகப்படுத்தியுள்ள நிலையில், இலங்கையிலும் சுற்றுலாத்துறையை மேம்படுத்த இலவச விசா அறிமுகப்படுத்தப்படவேண்டும் என்று கோரிக்கைகள் வலுப்பெற்று வருகின்றமை குறிப்பிடத்தக்கது.