2027 ஆம் ஆண்டுக்கான வரவுசெலவுத் திட்டம் குறித்து வெளியான தகவல்

Sri Lanka Government Of Sri Lanka Ministry of Finance Sri Lanka

By Sathangani Jul 03, 2026 03:49 AM GMT

Sathangani

in சமூகம்

Report

இலங்கையின் 2027 நிதியாண்டிற்கான வரவுசெலவுத் திட்ட மதிப்பீடுகளைத் தயாரிக்கும் பணிகள் உத்தியோகபூர்வமாகத் தொடங்கியுள்ளதாக தகவல் வெளியாகியுள்ளது.

இது தேசிய வரவுசெலவுத் திட்ட சுற்றறிக்கை 02/2026 இன் கீழ் மேற்கொள்ளப்படுகின்றதாக தெரிவிக்கப்படுகின்றது.

கட்டாயச் செலவுக் குறைப்பு நடவடிக்கைகளின் கீழ் விதிக்கப்பட்டுள்ள செலவின வரம்புகளை அனைத்து அமைச்சுக்கள் மற்றும் அரச நிறுவனங்கள் கண்டிப்பாகக் கடைப்பிடிக்க வேண்டும் என்று நிதி அமைச்சு தெரிவித்துள்ளது.

அரச நிறுவனங்கள்

மேலும், புதிய திட்டங்களுக்குக் கடுமையான நிபந்தனைகள் விதிக்கப்பட்டுள்ள நிலையில் புதிய வளர்ச்சித் திட்டங்களுக்கான முன்மொழிவுகள், பூர்வாங்க வரவுசெலவுத் திட்ட மதிப்பீடுகளுக்குள் சமர்ப்பிக்கப்பட வேண்டும் என சுட்டிக்காட்டப்பட்டுள்ளது.

2027 ஆம் ஆண்டுக்கான வரவுசெலவுத் திட்டம் குறித்து வெளியான தகவல் | Sri Lanka S 2027 Budget Preparations Begin

அத்துடன் வரவுசெலவுத் திட்ட மதிப்பீடுகள் மற்றும் அது தொடர்பான தரவுகளைச் சமர்ப்பிப்பதற்கு, ஒருங்கிணைந்த திறைசேரி முகாமைத்துவ தகவல் கட்டமைப்பை (ITMIS) பயன்படுத்துவது கட்டாயமாக்கப்பட்டுள்ளது.

அனைத்து அரச நிறுவனங்களும் இந்த மதிப்பீடுகளை இந்த மாதத்தின் 31ஆம் திகதிக்குள் தேசிய வரவுசெலவுத் திட்டத் திணைக்களத்திற்குச் சமர்ப்பிக்க வேண்டும் எனவும் நிதி அமைச்சு அறிவித்துள்ளமை குறிப்பிடத்தக்கது.