இலங்கைக்கு இருண்ட நாளாக அமையும் - ஐ.நா விசேட அறிக்கையாளர் கடும் எச்சரிக்கை!
அனைத்து பல்கலைக்கழக மாணவர் ஒன்றியத்தின் ஏற்பாட்டாளர் உள்ளிட்டோரை தடுத்து வைக்கும் உத்தரவில் சிறிலங்கா அதிபர் ரணில் விக்ரமசிங்க கையெழுத்திட்டால் இலங்கைக்கு இருண்ட நாளாக அமையும் என ஐ.நாவின் விசேட அறிக்கையாளர் எச்சரிக்கை விடுத்துள்ளார்.
இது தொடர்பில் தனது டுவிட்டர் பக்கத்தில் பதிவிட்டுள்ளார்.
தொடர்ந்தும் அவர் தனது பதிவில் தெரிவித்திருப்பதாவது,
அனைத்து பல்கலைக்கழக மாணவர் ஒன்றியத்தின் ஏற்பாட்டாளர் வசந்த முதலிகே உள்ளிட்ட மூவரை தடுத்து வைக்கும் உத்தரவில் கைச்சாத்திட வேண்டாம் என ஐக்கிய நாடுகளின் மனித உரிமைகள் பாதுகாப்பாளர்கள் தொடர்பான விசேட அறிக்கையாளர் மேரி லோலர், ரணில் விக்ரமசிங்கவிடம் கோரிக்கை விடுத்துள்ளார்.
மனித உரிமை செயற்பாட்டாளர்கள் கைது செய்யப்பட்டமைக்கு கவலை தெரிவிக்கும் ஐ.நா
வசந்த முதலிகே, ஹஷான் ஜீவந்த மற்றும் கல்வெவ சிறிதம்ம தேரர் ஆகிய மூவரும் பயங்கரவாதத் தடைச் சட்டத்தின் கீழ் கைது செய்யப்பட்டுள்ளமை குறித்து தாம் மிகுந்த கவலையடைவதாகவும் அவர் தெரிவித்துள்ளார்.
மனித உரிமைப் பாதுகாவலர்களான வசந்த முதலிகே, ஹஷான் ஜீவந்த மற்றும் கல்வெவ சிறிதம்மா தேரர் ஆகியோர் பயங்கரவாதத் தடைச் சட்டத்தின் கீழ் கைது செய்யப்பட்டுள்ளமை குறித்து தான் மிகவும் கவலையடைவதாகவும் தெரிவித்துள்ளார்.
சிறிலங்கா அரசாங்கத்திற்கு விடுக்கப்பட்டுள்ள எச்சரிக்கை
ஆகவே அவர்களை தடுப்புக் காவலில் வைக்கும் உத்தரவில் கையெழுத்திட வேண்டாம் என ரணிலிடம் கேட்டுக்கொள்வதாகவும், அவ்வாறு செய்வது இலங்கைக்கு இருண்ட நாளாக அமையும் என்றும் அவர் தெரிவித்துள்ளார்.
எவ்வாறாயினும், வசந்த முதலிகே உட்பட கைது செய்யப்பட்ட மூவர் தொடர்பான விசாரணைகள் நேற்று முதல் குற்றப் புலனாய்வு திணைக்களத்திடம் ஒப்படைக்கப்பட்டுள்ளதாக காவல்துறை ஊடகப் பேச்சாளர் சிரேஷ்ட காவல்துறை அத்தியட்சகர் சட்டத்தரணி நிஹால் தல்துவ தெரிவித்துள்ளார் என்பதும் குறிப்பிடத்தக்கது.
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
புங்குடுதீவு 10ம் வட்டாரம், வவுனியா, கிளிநொச்சி, சென்னை, India
18 Sep, 2025
சில்லாலை, கனகராயன்குளம், சென்னை, India, திருச்சி, India
19 Sep, 2018
முள்ளியான், துன்னாலை, வல்வெட்டி, துணுக்காய், கொழும்பு, வவுனியா
20 Sep, 2015
