அதிகரிக்கும் எரிபொருள் தட்டுப்பாடு...! அவசரமாக ரஷ்யாவை நாடிய இலங்கை
ரஷ்யாவிடமிருந்து எரிபொருளைக் கொள்வனவு செய்வது குறித்து இலங்கை அரசாங்கம் உயர்மட்டப் பேச்சுவார்த்தைகளை ஆரம்பித்துள்ளது.
மத்திய கிழக்கில் நிலவிவரும் போர்ச் சூழல் காரணமாக உலகளாவிய எரிசக்தி விநியோகச் சங்கிலியில் ஏற்படக்கூடிய பாதிப்புகளைத் தவிர்க்கும் நோக்கில் இந்நடவடிக்கை எடுக்கப்பட்டுள்ளது.
இதனடிப்படையில், வெளிவிவகார, வெளிநாட்டு வேலைவாய்ப்பு மற்றும் சுற்றுலாத்துறை அமைச்சர் விஜித ஹேரத், இலங்கைக்கான ரஷ்யத் தூதுவர் லெவன் எஸ்.தஹாகர்யனைச் சந்தித்துள்ளார்.
இக்கட்டான சூழ்நிலை
குறித்த சந்திப்பு நேற்று (13-03-2026) முன்னெடுக்கப்பட்டுள்ளது.
ரஷ்ய எண்ணெயைக் கொள்வனவு செய்வதற்கு முன்னர் விதிக்கப்பட்டிருந்த தடைகள் தற்போது நீக்கப்பட்டுள்ள நிலையில், தடையற்ற எரிபொருள் விநியோகத்தை உறுதிப்படுத்த இலங்கை இந்த வாய்ப்பைப் பயன்படுத்திக்கொள்ளத் திட்டமிட்டுள்ளது.
நாட்டின் தற்போதைய எரிபொருள் இருப்பைப் பாதுகாக்கவும், தொடர்ச்சியான விநியோகத்தைப் பராமரிக்கவும் ரஷ்யாவிலிருந்து மேலதிக எரிபொருளைப் பெற்றுக்கொள்வது குறித்து அமைச்சர் இங்கு வலியுறுத்தியுள்ளார்.
இலங்கையின் இந்தக் கோரிக்கையை உடனடியாக ரஷ்ய அரசாங்கத்திற்குத் தெரியப்படுத்துவதாகத் தூதுவர் உறுதியளித்துள்ளார்.
மேலும், எந்தவொரு இக்கட்டான சூழ்நிலையிலும் இலங்கைக்கு உதவ ரஷ்யா தயாராக இருப்பதாகவும் அவர் இதன்போது சுட்டிக்காட்டியுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
பருத்தித்துறை, ஓமான், Oman, India, London, United Kingdom
06 Mar, 2024
பதுளை, புங்குடுதீவு 6ம் வட்டாரம், யாழ்ப்பாணம், Paris, France
28 Feb, 2026
