மியன்மாரில் சிக்கியுள்ள இலங்கையர்களை நாட்டிற்கு அழைத்துவர நடவடிக்கை
மியன்மாரில் மனித கடத்தலில் சிக்கியுள்ள இலங்கையர்களை உடனடியாக நாட்டிற்கு அழைத்து வருவதற்கு தேவையான தலையீடுகள் மேற்கொள்ளப்பட்டு வருவதாக வெளிவிவகார அமைச்சு தெரிவித்துள்ளது.
அத்துடன் மனித கடத்தலில் சிக்கியவர்களை இலங்கைக்கு அழைத்து வருவதற்காக அவர்களது உறவினர்களை தவறாக வழிநடத்தி பணம் வசூலிக்கும் மோசடியும் இடம்பெற்று வருவதாக அந்த அமைச்சு மேலும் குறிப்பிட்டுள்ளது.
மியன்மாரின் சைபர் கிரிமினல் ஏரியா எனப்படும் இணைய குற்றச் செயல்கள் இடம்பெறும் முகாம்களில் தடுத்து வைக்கப்பட்டுள்ள இலங்கையர்களை மீட்பதற்கான கலந்துரையாடல்கள் இடம்பெற்று வருகின்றது.
கணினித் துறையில் வேலைவாய்ப்பு
இந்தநிலையில் மற்றுமொரு இலங்கையர் அந்த பகுதிக்குச் செல்லப்பட்டுள்ளதாக தெரிவிக்கப்படுகின்றது.
இதற்கு முன்னதாக கணினித் துறையில் வேலைவாய்ப்பு தேடிச் சென்று அங்கு சிக்கியுள்ள 56 இலங்கையர்களையும் மீட்பதற்கான செயற்பாடுகள் இடம்பெற்று வரும் நிலையில் குறித்த இலங்கையர் குறித்த முகாமிற்கு கொண்டு செல்லப்பட்டுள்ளார்.
இந்தநிலையில் சகல இலங்கையர்களையும் மீட்பதற்கான நடவடிக்கைகள் முன்னெடுக்கப்பட்டு வருவதாக வெளிவிவகார அமைச்சு தெரிவித்துள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
அனலைதீவு 3ம் வட்டாரம், புங்குடுதீவு 5ம் வட்டாரம், Bünde, Germany, Selm, Germany
11 Jul, 2024
