இந்தியா,பாகிஸ்தானை விடவும் பின்தள்ளப்பட்ட இலங்கை

Sri Lanka Pakistan India Economy of Sri Lanka

By Sumithiran Nov 02, 2024 07:37 PM GMT

Sumithiran

in பொருளாதாரம்

Report

பொருளாதார சுதந்திர சுட்டெண்ணில் உலக நாடுகளில் இலங்கை(sri lanka), இந்தியா(india),பாகிஸ்தானை (pakistan)விடவும் பின்னுக்கு தள்ளப்பட்டுள்ளதாக பேராதனை பல்கலைக்கழகத்தின் பொருளாதார மற்றும் புள்ளியியல் கற்கைகள் பிரிவின் பேராசிரியர் வசந்த அத்துகோரள கொழும்பு ஊடகமொன்றிடம் தெரிவித்தார்.

கடந்த வருடம் இலங்கை பொருளாதார சுதந்திர சுட்டெண்ணில் 136வது இடத்தில் இருந்தது. இவ்வருடம் 149 ஆக அந்த இடம் அதிகரித்துள்ளதாக பேராசிரியர் தெரிவித்தார்.

நன்கு அறியப்பட்ட ஹெரிடேஜ் அறக்கட்டளை நிறுவனம் 184 நாடுகளைப் பயன்படுத்தி இந்தக் கணக்கீட்டைச் செய்துள்ளது.

பொருளாதார சுதந்திர சுட்டெண்

2010 ஆம் ஆண்டு பொருளாதார சுதந்திர சுட்டெண்ணில் இலங்கை 95 ஆவது இடத்தில் இருந்ததாகவும் 2020 ஆம் ஆண்டளவில் அது 117 ஆவது இடத்திற்கு உயர்ந்துள்ளதாகவும் அவர் கூறினார்.

இந்தியா,பாகிஸ்தானை விடவும் பின்தள்ளப்பட்ட இலங்கை | Sri Lankas Economic Freedom Has Fallen Further

பொருளாதார சுதந்திர சுட்டெண்ணில் ஆசிய பசுபிக் பிராந்தியத்தில் உள்ள 39 நாடுகளில் இலங்கை 34வது இடத்தில் இருப்பதாக வசந்த அத்துகோரள தெரிவித்தார்.

ஹெரிடேஜ் அறக்கட்டளை இந்த கணக்கீட்டை நான்கு முக்கிய மாறிகளின் அடிப்படையில் செய்துள்ளது: சட்டத்தின் ஆட்சி, அரசாங்க செயல்திறன், ஒழுங்குமுறை செயல்திறன் மற்றும் திறந்த சந்தைகள்.

இந்தியா,பாகிஸ்தான்

இந்த குறியீட்டின்படி இந்தியா 126வது இடத்திலும், நேபாளம் 130வது இடத்திலும், பாகிஸ்தான் 147வது இடத்திலும் உள்ளன. சுவிட்சர்லாந்து, சிங்கப்பூர், அயர்லாந்து, தைவான், லக்சம்பர்க், நியூசிலாந்து ஆகிய நாடுகள் பொருளாதார சுதந்திரம் அதிகம் உள்ள நாடுகளாக நிறுவனத்தால் அறிமுகப்படுத்தப்பட்டுள்ளன.

இந்தியா,பாகிஸ்தானை விடவும் பின்தள்ளப்பட்ட இலங்கை | Sri Lankas Economic Freedom Has Fallen Further

உள்நாட்டு முதலீடு வலுவாக இல்லாதது மற்றும் வெளிநாட்டு முதலீட்டாளர்கள் நாட்டிற்கு கணிசமான அளவு வராதது போன்ற விடயங்களும் இந்த சுட்டெண்ணில் சிறிலங்காவின் வீழ்ச்சிக்கு வழிவகுத்துள்ளதாக கூறப்படுகிறது.