ஐ.எம்.எப் இன் உதவியை இழக்க போகின்றதா இலங்கை! வெளியானது காரணம்
சர்வதேச நாணய நிதியத்தின்(International Monetary Fund) நிதி ஆதரவை இலங்கை இழக்கக்கூடுமென சர்வதேச ஊடகங்கள் தெரிவித்துள்ளதாக தகவல்கள் வெளியாகியுள்ளது.
12 பில்லியனுக்கும் அதிகமான கடனை மறுசீரமைப்பதற்கான சர்வதேச பத்திரதாரர்களின் முன்மொழிவை இலங்கை ஏற்றுக்கொள்ளாமையினாலேயே இந்த நிலை ஏற்படலாமென சுட்டிக்காட்டப்பட்டுள்ளது.
முடிந்தவரை விரைவில் மேலதிக பேச்சுவார்த்தைகளை நடத்த நம்புவதாக இலங்கை அரசாங்கம் கூறியிருந்தாலும் தொடர் கலந்துரையாடல்களை பத்திரக்கார்களின் வழிகாட்டல் குழு நிராகரித்துள்ளதாக குறிப்பிடப்படுகின்றது.
சர்வதேச நாணய நிதியம்
இந்தநிலையில், எதிர்வரும் சில வாரங்களில் சமரசம் இல்லையெனில் சர்வதேச நாணய நிதியத்தின் அடுத்த தவணைக்கான ஆதரவு பணமும் தாமதமாகலாமென தெரிவிக்கப்படுகின்றது.
இலங்கை ஏற்கனவே அதன் முக்கிய அரசாங்க கடன் வழங்குநர்களுடன் ஒரு ஒப்பந்தத்தை மேற்கொண்டிருந்தாலும் அதன் 2.9 பில்லியன் டொலர் திட்டத்தின் அடுத்த 337 மில்லியன் டொலர்கள் தவணைக்காக சர்வதேச நாணய நிதியத்தின் ஒப்புதலைப் பெறுவதற்கு சர்வதேச பத்திரப்பதிவுதாரர்களுடன் உடன்படிக்கை தேவைப்படுகிறது.
மேலும் பத்திரதாரர்களின் முன்மொழிவுகள் "அடிப்படை அளவுருக்கள்" சர்வதேச நாணய நிதிய திட்டத்துடன் பொருந்தவில்லை என்று இலங்கை அரசாங்கம் தெரிவித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
அல்லைப்பிட்டி, பிரான்ஸ், France
12 Nov, 2011
Seremban, Malaysia, நெல்லியடி, மண்டபம், India, Harrow, United Kingdom
30 Oct, 2021
