சவுதிக்கான விமான சேவை : சிறிலங்கன் எயார்லைன்ஸ் வெளியிட்ட அறிவிப்பு
பிராந்தியத்தில் நிலவும் பாதுகாப்புச் சூழலைக் கருத்தில் கொண்டு, கொழும்புக்கும் சவூதி அரேபியாவின் ரியாத் மற்றும் தம்மாம் நகரங்களுக்கும் இடையிலான விமான சேவைகளின் இடைநிறுத்தத்தை, 2026 நவம்பர் 1-ஆம் திகதி வரை நீடிப்பதாக சிறிலங்கன் ஏர்லைன்ஸ் அறிவித்துள்ளது.
இன்று (22) வெளியிடப்பட்ட அறிக்கையில், கொழும்பு - ரியாத் மற்றும் கொழும்பு - தம்மாம் இடையிலான அனைத்து விமான சேவைகளும் நவம்பர் 1-ஆம் திகதி வரை (அந்த நாள் உட்பட) தொடர்ந்து இடைநிறுத்தப்பட்டிருக்கும் என்பதை அந்நிறுவனம் உறுதிப்படுத்தியுள்ளது.
பயணிகள் மற்றும் பணியாளர்களின் பாதுகாப்பே முன்னுரிமை
பிராந்தியத்தில் நிலவும் பாதுகாப்புச் சூழலைக் கருத்தில் கொண்டே இந்த முடிவு எடுக்கப்பட்டுள்ளதாகவும், பயணிகள் மற்றும் பணியாளர்களின் பாதுகாப்பே தங்களுக்கு மிக முக்கிய முன்னுரிமை என்றும் விமான நிறுவனம் வலியுறுத்தியுள்ளது.
வணிக ரீதியான செயல்பாடுகளுக்குச் சூழல் சாதகமானது என்று மதிப்பிடப்பட்டவுடன், இந்த இரு நகரங்களுக்கான விமான சேவைகள் மீண்டும் தொடங்கப்படும் என்று சிறிலங்கன் ஏர்லைன்ஸ் தெரிவித்துள்ளது.
மேலதிக தகவல்களை பெற பயணிகளுக்கான அறிவிப்பு
மேலதிக தகவல்களுக்கு, வாடிக்கையாளர்கள் 1979 (இலங்கைக்குள்) அல்லது +94 11 777 1979 (சர்வதேச அளவில்) என்ற எண்களிலோ, அல்லது WhatsApp வாயிலாக +94 74 444 1979 என்ற எண்ணிலோ (செய்தி பரிமாற்றத்திற்கு மட்டும்) தொடர்பு கொள்ளலாம். மேலும், உங்கள் பயண முகவரை அணுகலாம் அல்லது www.srilankan.com என்ற இணையதளத்தைப் பார்வையிடலாம்.
இந்த விமான சேவை இடைநிறுத்தத்தின் போது பயணிகள் காட்டிய புரிதலுக்கும் ஒத்துழைப்புக்கும் சிறிலங்கன் ஏர்லைன்ஸ் நன்றி தெரிவித்துள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
குப்பிளான், London, United Kingdom, பிரான்ஸ், France
23 Oct, 2021
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024