யாழில் கொடூரம்: நண்பனுடன் வாக்குவாதம்: கத்தரிக்கோலால் கழுத்தில் குத்தி இளைஞன் கொலை
யாழ்ப்பாணம், அச்சுவேலி, அச்செழு பூலசிட்டி பகுதியில் நேற்று (15) இரவு 10 மணியளவில் இரு இளைஞர்களுக்கிடையில் ஏற்பட்ட மோதலைத் தொடர்ந்து இளைஞர் ஒருவர் உயிரிழந்துள்ளார்.
குறித்த சம்பவத்தில், அச்சேலு பகுதியைச் சேர்ந்த 20 வயதுடைய மேனன் என அழைக்கப்படும் இளைஞர், மற்றொரு இளைஞரால் கத்தரிக்கோலால் கழுத்துப் பகுதியில் குத்தப்பட்டுள்ளார்.
இதனையடுத்து படுகாயமடைந்த அவர் கோப்பாய் வைத்தியசாலைக்கு கொண்டு செல்லப்பட்டு, பின்னர் யாழ்ப்பாணம் போதனா வைத்தியசாலைக்கு மாற்றப்பட்ட நிலையில் சிகிச்சை பலனின்றி உயிரிழந்துள்ளார்.
சந்தேக நபர் கைது
இருவருக்குமிடையில் ஏற்பட்ட தனிப்பட்ட தகராறே இந்தக் கொலைக்கு காரணம் என முதல்கட்ட தகவல்கள் தெரிவிக்கின்றன.

உயிரிழந்த இளைஞரும் தாக்குதல் நடத்திய இளைஞரும் நண்பர்கள் எனவும் தெரியவருகிறது. சம்பவத்துடன் தொடர்புடைய சந்தேகநபரை அச்சுவேலி காவல்துறையினர் கைது செய்துள்ளனர்.
மேலதிக விசாரணைகளை அச்சுவேலி காவல்துறையினர் முன்னெடுத்து வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |