முற்றாக முடங்கிய ஹோர்முஸ் நீரிணை...! கப்பல் போக்குவரத்து வரலாறு காணாத வீழ்ச்சி
அமெரிக்கா மற்றும் ஈரானுக்கு இடையே மீண்டும் வெடித்துள்ள தீவிர இராணுவ மோதல்களைத் தொடர்ந்து உலகின் மிக முக்கிய வர்த்தக நீர்வழியான ஹோர்முஸ் நீரிணையில் (Strait of Hormuz) சர்வதேசக் கப்பல் போக்குவரத்து வரலாறு காணாத அளவில் வீழ்ச்சியடைந்துள்ளது.
பிரித்தானியாவை தளமாகக் கொண்டு இயங்கும் முன்னணி கடல்சார் தரவு அமைப்பான லாயிட்ஸ் லிஸ்ட் இன்டெலிஜென்ஸ் (Lloyd’s List Intelligence) இந்த தகவலை வெளியிட்டுள்ளது.
இது குறித்து அந்த நிறுவனம் தனது அதிகாரப்பூர்வ எக்ஸ் (ட்விட்டர்) பக்கத்தில் பதிவொன்றை வெளியிட்டுள்ளது.
வர்த்தகக் கப்பல்கள்
குறித்த பதிவில் அமெரிக்கா மற்றும் ஈரானுக்கு இடையே அண்மையில் ஏற்பட்டுள்ள புதிய மோதல் மற்றும் பதற்றமான சூழலைத் தொடர்ந்து ஹோர்முஸ் நீரிணை வழியிலான கப்பல் போக்குவரத்து மிகக் கடுமையாக வீழ்ச்சியடைந்துள்ளது என தெரிவிக்கப்பட்டுள்ளது.
அத்தோடு அமெரிக்காவின் ஒருங்கிணைப்பில் ஓமன் நாட்டுப் பகுதியில் அமைக்கப்பட்டிருந்த கடல்சார் பாதுகாப்புப் பாதை (US-coordinated Omani path) வழியாகப் பயணிக்கும் வர்த்தகக் கப்பல்களின் நடமாட்டம் தற்போதைய வன்முறைப் பதிலடித் தாக்குதல்களால் முற்றிலும் முடங்கும் நிலைக்கு தள்ளப்பட்டுள்ளதாக லாயிட்ஸ் லிஸ்ட் தரவுகள் உறுதிப்படுத்தியுள்ளன.
சர்வதேச அளவில் கச்சா எண்ணெய் மற்றும் இயற்கை எரிவாயு கொண்டு செல்லும் பிரதான பாதையில் கப்பல் போக்குவரத்து முடங்கியுள்ளது உலகப் பொருளாதாரச் சந்தையில் பெரும் கவலையை ஏற்படுத்தியுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புதுக்குளம், Ilford, United Kingdom, பிரித்தானியா, United Kingdom
10 Jul, 2019
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
