மன்னார் பேசாலையில் வாள் வெட்டு : பலத்த காயங்களுடன் ஒருவர் வைத்தியசாலையில்!
மன்னாரில் ( Mannar) வாள் வெட்டு சம்பவத்தில் பாதிக்கப்பட்ட குடும்பஸ்தர் ஒருவர் பலத்த காயங்களுடன் யாழ்ப்பாணம் (Jaffna) மாவட்ட வைத்தியசாலையில் அனுமதிக்கப்பட்டுள்ளார்.
குறித்த சம்பவமானது, மன்னார் பேசாலை காவல்பிரிவிட்குட்பட்ட முருகன் கோவிலடி ஏழாம் வட்டார பகுதியில் இடம்பெற்றுள்ளது.
இந்த நிலையில், 38 வயதுடைய மூன்று பிள்ளைகளின் தந்தையே குறித்த வாள்வெட்டு தாக்குதலுக்கு உள்ளாகியுள்ளார்.
வாள் வெட்டு
இந்த சம்பவத்தில் பாதிக்கப்பட்டவரின் குடும்பத்தினர் கடந்த 23 ஆம் திகதி பேசாலை காவல் நிலையத்தில் முறைப்பாடு செய்துள்ளனர்.
எனினும், வாள் வெட்டு சம்பவத்துடன் தொடர்புடைய எவரும் கைது செய்யப்படவில்லை என பாதிக்கப்பட்ட தரப்பினர் தெரிவித்துள்ளனர்.
சண்டை சச்சரவு
அத்தோடு, அன்றை தினம் வாள் கத்தி இரும்பு கம்பிகளுடன் 15 இற்கும் மேற்பட்ட நபர்கள் வந்ததாகவும் அவ்வாறு வந்தவர்கள் கடும் போதையில் இருந்ததாகவும் தெரிவிக்கப்பட்டுள்ளது.
அத்துடன் வாள் வெட்டு சம்பவத்துடன் தொடர்புடைய நபர்கள் தொடர்ச்சியாக இவ்வாறான சண்டை சச்சரவுகளில் ஈடுபட்டு வருவதாகவும் காவல்துறையினர் இவர்களுக்கு உரிய நடவடிக்கை எடுத்து கட்டுப்படுத்த வேண்டுமெனவும் கோரிக்கைகள் முன்வைக்கப்பட்டுள்ளது.
மேலும், குறித்த பகுதி மக்கள் வாள்வெட்டு நபர்களுக்கு எதிராக கையெழுத்திட்டு உரிய அதிகாரிகளின் கவனத்திற்கு கொண்டு வந்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
திருநெல்வேலி, யாழ்ப்பாணம், Washington, United States
19 Jan, 2026
கொய்யாத்தோட்டம், யாழ்ப்பாணம், ஜேர்மனி, Germany, பிரான்ஸ், France, London, United Kingdom
26 Jan, 2017
