அதிகரிக்கும் பதற்றம்: இராணுவச் சட்டத்தை அறிவித்தது தாய்லாந்து!
கம்போடியாவின் எல்லையில் உள்ள பகுதிகளில் தாய்லாந்து இராணுவச் சட்டத்தை அறிவித்துள்ளதாக வெளிநாட்டு ஊடகங்கள் செய்தி வெளியிட்டுள்ளன.
கம்போடியாவின் எல்லையில் உள்ள தாய்லாந்தின் எட்டு மாவட்டங்களில் இராணுவச் சட்டம் அறிவிக்கப்பட்டுள்ளதாக அந்நாட்டின் எல்லைப் பாதுகாப்புத் தளபதி தெரிவித்துள்ளார்.
இதற்கிடையில், கம்போடியாவுடனான எல்லை மோதல்களில் ஏற்கனவே பலர் இறந்துள்ளதாகவும், அது போராக மாறக்கூடும் என்றும் தாய்லாந்தின் தற்காலிக பிரதமர் பும்தம் செச்சாயாசாய் எச்சரித்துள்ளார்.
ஐநா அவசரக் கூட்டம்
நீண்டகாலமாக நிலவி வந்த எல்லை தகராறு நேற்று ஜெட் விமானங்கள், பீரங்கிகள், டாங்கிகள் மற்றும் தரைப்படைகளுடன் கடுமையான சண்டையாக வெடித்தது, மேலும் மோதல்கள் குறித்து ஐக்கிய நாடுகள் பாதுகாப்பு கவுன்சிலும் அவசரக் கூட்டத்தை நடத்த திட்டமிடப்பட்டது.
இந்த சூழ்நிலையில், கம்போடியாவின் எல்லையில் உள்ள 08 மாவட்டங்களில் இன்று மாலை (25) முதல் தாய்லாந்து இராணுவச் சட்டத்தை அறிவித்துள்ளதால் பதற்றம் மேலும் அதிகரித்துள்ளது.
138,000 மக்கள் வெளியேற்றம்
இந்நிலையில், தாய்லாந்து தனது எல்லைப் பகுதிகளில் இருந்து 138,000 க்கும் மேற்பட்ட மக்களை வெளியேற்றியுள்ளதாக வெளிநாட்டு ஊடகங்கள் செய்தி வெளியிட்டுள்ளன.
மேலும், கம்போடிய எல்லையில் உள்ள 06 பாதுகாக்கப்பட்ட பகுதிகளை மூட தாய்லாந்தின் இயற்கை வளங்கள் மற்றும் சுற்றுச்சூழல் அமைச்சகமும் உத்தரவிட்டுள்ளது, அதன்படி, அந்த பகுதியில் உள்ள 06 தேசிய பூங்காக்களை மூட தாய்லாந்து நடவடிக்கை எடுத்துள்ளது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
Kedah, Malaysia, சண்டிலிப்பாய், Cheam, United Kingdom
04 Aug, 2024
வட்டுக்கோட்டை, அராலி வடக்கு, யாழ்ப்பாணம், helsinki, Finland
20 Jul, 2025
