அரசின் பணத்தில் அரைவாசியை ஏப்பமிடும் சிறிலங்கா படை : வெளியான அதிர்ச்சி தகவல்
கடந்த வருடம் மத்திய அரசாங்கத்தின் ஏனைய அனைத்து ஊழியர்களின் சம்பளத்திற்காக செலவிடப்பட்ட தொகையை விட காவல்துறை மற்றும் ஆயுதப்படைகளுக்கு சம்பளத்திற்காக செலவிடப்பட்டுள்ள தொகை அதிகமென இலங்கை மத்திய வங்கியின் அறிக்கைகள் தெரிவிப்பதாக பேராதனை பல்கலைக்கழகத்தின் பொருளாதாரம் மற்றும் புள்ளியியல் கற்கைகள் பிரிவின் பேராசிரியர் வசந்த அத்துகோரல கொழும்பு ஊடகமொன்றிடம் தெரிவித்துள்ளார்.
மத்திய அரசின் இதர துறை ஊழியர்களுக்கு கடந்த ஆண்டு 32 ஆயிரத்து 729 கோடி ரூபாய் சம்பளம் வழங்கப்பட்ட நிலையில், ஆயுதப்படை மற்றும் காவல்துறையினரின் சம்பளத்தில் 31 ஆயிரத்து 200 கோடி ரூபாய் மட்டுமே செலவிடப்பட்டுள்ளது என்றார் பேராசிரியர்.
சிறிலங்கா படைக்கான சம்பளம்
உள்ளூராட்சி மன்றங்களின் அனைத்து ஊழியர்களுக்கும் சம்பளம் வழங்குவதற்காக கடந்த வருடம் செலவிடப்பட்ட தொகையை விட ஆயுதப்படை மற்றும் காவல்துறை உறுப்பினர்களுக்கு கடந்த ஆண்டு சம்பளம் வழங்க செலவிடப்பட்ட தொகை அதிகம் என்றும் அவர் குறிப்பிட்டார்.
உள்ளுராட்சி ஊழியர்களுக்கு சம்பளம் வழங்குவதற்காக கடந்த வருடம் செலவிடப்பட்ட தொகை 30021 கோடி ரூபா என வசந்த அத்துகோரல தெரிவித்தார்.
ஐந்து வருடங்களில் அதிகரிப்பு
கடந்த வருடம் இராணுவம் மற்றும் காவல்துறையினருக்கு வழங்கப்பட்ட சம்பளம் அரச சேவையின் சம்பளத்தில் முப்பத்து மூன்று வீதம் என தெரிவித்த பேராசிரியர், கடந்த ஐந்து வருடங்களில் பாதுகாப்பு படையினரின் சம்பளத்திற்காக செலவிடப்பட்ட தொகை பதினேழு சதவீதம். அதிகரித்துள்ளது எனவும் குறிப்பிட்டார்.
கடந்த வருடம் முப்படையினருக்கான சம்பளம் வழங்குவதற்காக 21787 கோடி ரூபாவும், காவல்துறை மற்றும் சிவில் பாதுகாப்புப் பிரிவினருக்கு சம்பளம் வழங்குவதற்காக 9413 கோடி ரூபாவும் செலவிடப்பட்டுள்ளதாகவும் அவர் மேலும் தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கிழக்கில் தமிழர் இனவழிப்பு:காணாமல் போன அம்பாறை வயலூர் கிராமம் 15 மணி நேரம் முன்
ஹரிணி ஜேவிபிக்கு எதிராக கிளர்ச்சி செய்வாரா?
6 நாட்கள் முன்
கொக்குவில் கிழக்கு, கோண்டாவில் கிழக்கு, Mississauga, Canada
13 Aug, 2020
புங்குடுதீவு 6ம் வட்டாரம், Toronto, Canada, வவுனியா, கொட்டாஞ்சேனை
09 Sep, 2021
நுணாவில், கொச்சிக்கடை, நீர்கொழும்பு, Melbourne, Australia
19 Aug, 2025
புங்குடுதீவு இறுப்பிட்டி, Montreal, Canada, Scarborough, Canada
22 Aug, 2020
கரம்பொன் கிழக்கு, கரம்பொன் தெற்கு, கொழும்பு 15
19 Aug, 2021