மாணவனின் சட்டவிரோத செயல் : நீதிமன்றம் அளித்த உத்தரவு
இரண்டு வீடுகளில் பணம் மற்றும் கைத்தொலைபேசிகளை திருடிய குற்றச்சாட்டில் குற்றஞ்சாட்டப்பட்ட பாடசாலை மாணவர் ஒருவர் நீதிமன்றத்தினால் இன்று (18)விளக்கமறியலில் வைக்கப்பட்டுள்ளார்.
சந்தேகத்திற்குரிய பாடசாலை மாணவனை இன்று நீதிமன்றில் முன்னிலைப்படுத்திய போதே பலபிட்டிய நீதவான் ஆர்.டி.ஜனக இந்த உத்தரவை இன்று (18) வழங்கினார்.
அம்பலாங்கொடை, கலகொட பிரதேசத்தில் வசிக்கும் 15 வயதுடைய மாணவனே விளக்கமறியலில் வைக்கப்பட்டுள்ளார்.
தாய்க்கு கீழ்ப்படியாத மாணவன்
மாணவனின் தந்தை வெளிநாட்டில் இருப்பதும் தாய்க்கு கீழ்ப்படியாத மாணவன் என்பதும் தெரியவந்துள்ளதாக காவல்துறையினர் தெரிவிக்கின்றனர்.
இரண்டு வீடுகளில் இருந்து கிடைக்கப்பெற்ற முறைப்பாட்டின் அடிப்படையில் விசாரணைகளை மேற்கொண்ட காவல்துறையினர் , இந்தக் மாணவனை தமது பொறுப்பில் எடுத்து நீதிமன்றில் முற்படுத்தினர்.
திருடப்பட்ட இரண்டு கையடக்கத் தொலைபேசிகளும் மாணவனின் வசம் காணப்பட்ட போதிலும் 800 ரூபா மாத்திரமே காணப்பட்டது. மாணவனிடம் நடத்தப்பட்ட விசாரணையின் போது, திருடப்பட்ட பணத்தின் ஒரு பகுதியை அவரது சகோதரிக்கு ஸ்ரீபாதா தரிசனம் செய்ய கொடுத்ததாக குறிப்பிடப்பட்டுள்ளது.
பணம் மற்றும் கையடக்கத் தொலைபேசி திருட்டு
இரண்டு வீடுகளில் இருந்தும் 121,000 ரூபா பணத்தையும், ஒரு இலட்சம் ரூபா பெறுமதியான இரண்டு கையடக்கத் தொலைபேசிகளையும் மாணவன் திருடிச் சென்றுள்ளதாக காவல்துறையினர் நீதிமன்றில் அறிவித்துள்ளனர்.
அந்த 2 ஸ்மார்ட்ஃபோன்களையும் தான் ஆசையாக திருடிச் சென்றதாக மாணவன் காவல்துறையில் தெரிவித்துள்ளான்.
காவல்துறையினர் விசாரணை
திருடப்பட்ட பணத்தை அந்த மாணவன் உண்மையில் செலவு செய்தாரா அல்லது வேறு இடத்தில் மறைத்து வைத்தாரா என்பது குறித்து காவல்துறையினர் விசாரணையை தொடங்கியுள்ளனர்.
சம்பவம் தொடர்பான மேலதிக விசாரணைகளை அம்பலாங்கொடை காவல்துறையினர் மேற்கொண்டு வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
பாண்டிருப்பு, காரைதீவு, மட்டக்களப்பு, London, United Kingdom
13 Jan, 2018
யாழ் அல்லைப்பிட்டி 3ம் வட்டாரம், Jaffna, Ivry-sur-Seine, France
12 Jan, 2022
மல்லாவி யோகபுரம், கொழும்பு, Kuala Lumpur, Malaysia, Toronto, Canada, அளவெட்டி
25 Dec, 2024
யாழ்ப்பாணம், இலங்கை, Toronto, Canada, Fairfield, United States, Rochester, United States, Annandale, United States
01 Jan, 2026
