அகற்றப்பட்ட தியாக திலீபன் சிலை: காவல்துறை நடவடிக்கை குறித்து அரசு விளக்கம்

Sri Lanka Police Sri Lanka Politician Sri Lanka Government

By Pavi Sep 29, 2026 06:33 AM GMT

Pavi

in அரசியல்

Report

யாழ்ப்பாணம் நல்லூரில் உள்ள திலீபன் நினைவுச் சதுக்கத்திலிருந்து, முன்னாள் விடுதலைப் புலி (LTTE) உறுப்பினரான ராசையா பார்த்திபன் (திலீபன் என்று அழைக்கப்படுபவர்) சிலை, சம்பந்தப்பட்ட நீதிமன்றத்தில் உண்மைகள் சமர்ப்பிக்கப்பட்ட பின்னரே அகற்றப்பட்டதாக அரசாங்கப் பேச்சாளரும் அமைச்சருமான நளிந்த ஜயதிஸ்ஸ தெரிவித்தார்.

தொலைக்காட்சி நேர்காணல் ஒன்றில் பேசிய அமைச்சர் ஜயதிஸ்ஸ, காவல்துறையினர் நீதிமன்றத்தில் உண்மைகளைத் தெரிவித்திருந்ததாகவும், அந்தச் சிலை தொடர்பான வழக்கு நீதிமன்றத்தில் பரிசீலிக்கப்பட்டு வருவதாகவும் கூறினார்.

வடக்கு மாகாணத்தில் செப்டம்பர் மாதங்களில் திலீபனின் நினைவு தினத்தை முன்னிட்டு அவரது படத்தைப் பயன்படுத்தி பல ஆண்டுகளாக நினைவேந்தல் நிகழ்வுகள் நடத்தப்பட்டு வந்தாலும், சிலை ஒன்று வைக்கப்பட்டது இதுவே முதல் முறை என்று அமைச்சர் ஜயதிஸ்ஸ குறிப்பிட்டார்.

சட்ட நடவடிக்கை

இது தொடர்பில் மேலும் தெரிவித்த அவர் "இந்த ஆண்டு ஒரு சிலை வைக்கப்பட்டது, அது காவல்துறையினரால் அகற்றப்பட்டது. விடுதலைப் புலிகள் அமைப்பு (LTTE) ஒரு தடைசெய்யப்பட்ட அமைப்பாகும்.

அகற்றப்பட்ட தியாக திலீபன் சிலை: காவல்துறை நடவடிக்கை குறித்து அரசு விளக்கம் | Thileepan Statue Removal Govt Explains Action

தடைசெய்யப்பட்ட அமைப்பின் கொடிகள், சின்னங்கள் உள்ளிட்டவற்றை ஊக்குவிப்பதை அல்லது காட்சிப்படுத்துவதை நமது நாட்டின் சட்டங்கள் அனுமதிக்கவில்லை.

இத்தகைய நடவடிக்கைகளுக்கு எதிராகச் சட்ட நடவடிக்கை எடுக்கப்படும். சிலையை அகற்றுவதற்கு முன்னதாக, காவல்துறையினர் நீதிமன்றத்தில் உண்மைகளைச் சமர்ப்பித்திருந்தனர்.

இது தொடர்பான வழக்கு நீதிமன்றத்தில் பரிசீலிக்கப்பட்டு வருகிறது. இந்த நடவடிக்கையே மேற்கொள்ளப்பட்டது," என்று அவர் விளக்கினார்.

நாட்டில் அவ்வப்போது இனங்களுக்கிடையிலான பதற்றத்தை உருவாக்க முயற்சிகள் மேற்கொள்ளப்படுவதாகக் குறிப்பிட்ட அமைச்சர் ஜயதிஸ்ஸ, அரசாங்கம் அத்தகைய நடவடிக்கைகளை ஒருபோதும் அனுமதிக்காது என்றும், சட்ட நடவடிக்கைகளை மேற்கொள்ளும் என்றும் தெரிவித்தார்.

யாழ்ப்பாணம் நல்லூரில் உள்ள திலீபன் நினைவுச் சதுக்கத்திலிருந்து, முன்னாள் விடுதலைப் புலி உறுப்பினரான ராசையா பார்த்திபன் (திலீபன்) சிலை அகற்றப்பட்டது குறித்த கேள்விக்கு பதிலளிக்கும் வகையிலேயே அவர் இந்தக் கருத்துக்களை வெளியிட்டார்.