இது எங்கள் போர் அல்ல: ட்ரம்பின் கோரிக்கையை திட்டவட்டமாக மறுத்த ஐரோப்பா
ஈரானை எதிர்த்து மேற்கொள்ளப்படும் இராணுவ நடவடிக்கைகளில் இணைவதற்கான அமெரிக்க ஜனாதிபதி டொனால்ட் ட்ரம்ப் விடுத்த அழைப்பை ஐரோப்பிய நாடுகள் திட்டவட்டமாக நிராகரித்துள்ளன.
குறிப்பாக, ஃபிரெட்ரிக் மெர்ஸ்(Friedrich Merz) தலைமையிலான ஜெர்மனி, இந்த மோதலில் நேரடியாக ஈடுபடமாட்டோம் என்று உறுதியான நிலைப்பாட்டை வெளிப்படுத்தியுள்ளது.
இது குறித்து மெர்ஸ், ஜெர்மன் நாடாளுமன்றத்தில் உரையாற்றியபோது, ஈரான் அண்டை நாடுகளுக்கு அச்சுறுத்தலாக இருப்பதை ஏற்றுக்கொண்டாலும், அமெரிக்கா மற்றும் இஸ்ரேல் முன்னெடுத்து வரும் இந்தப் போரின் நோக்கம் மற்றும் முடிவுகள் குறித்து தங்களுக்கு தெளிவில்லை எனக் கூறியுள்ளனர்.
ஹோர்முஸ் நீரிணை
மேலும், “இந்த நடவடிக்கை எவ்வாறு வெற்றி பெறும் என்பதற்கான நம்பகமான திட்டம் எதுவும் எங்களிடம் பகிரப்படவில்லை என்றும் அவர் தெரிவித்துள்ளார்.
அதேவேளை, உலகின் முக்கிய எண்ணெய் மற்றும் எரிவாயு கடல் பாதையான ஹோர்முஸ் நீரிணை தற்போது கடுமையாக பாதிக்கப்பட்டுள்ள நிலையில், அதைத் திறக்க இராணுவ உதவி வழங்குமாறு அமெரிக்கா கேட்டிருந்தது.
இருப்பினும், ஜெர்மனி அதனைத் தெளிவாக மறுத்து, “போர் நீடிக்கும் வரை ஹோர்முஸ் நீரிணையில் இராணுவ பங்கேற்பு இல்லை” என்று அறிவித்துள்ளது.
இந்த நிலைப்பாட்டை ஜெர்மனியின் பாதுகாப்புத்துறை அமைச்சர் போரிஸ் பிஸ்டோரியஸ் மேலும் வலுப்படுத்தினார்.
எங்கள் போர் அல்ல
“இது எங்கள் போர் அல்ல இதை நாங்கள் தொடங்கவில்லை,” என்று அவர் வெளிப்படையாகக் குறிப்பிட்டார்.
இதேபோன்று, இம்மானுவேல் மக்ரோன் தலைமையிலான பிரான்ஸும், “இந்த மோதலில் நாம் ஒரு தரப்பாக இல்லை” எனத் தெரிவித்துள்ளது.
இதன்மூலம், ஐரோப்பிய நாடுகள் மொத்தமாக இந்தப் போரில் நேரடி ஈடுபாட்டிலிருந்து விலகியுள்ளன.
இந்நிலையில் அமெரிக்காவின் கோரிக்கையை நிராகரித்ததன் மூலம், ஏற்கனவே உக்ரைன் போர் உள்ளிட்ட பல காரணங்களால் அழுத்தத்தில் உள்ள அட்லாண்டிக் கடந்த உறவுகள் மேலும் பாதிக்கப்படக்கூடும் என்ற அச்சமும் எழுந்துள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
யாழ்ப்பாணம், வவுனியா, கனடா, Canada, Montreal, Canada
31 Aug, 2015
