மொட்டு கட்சியிலிருந்து விலகியவர்கள் மீண்டும் கட்சியுடன் இணைவார்கள் : நாமல் நம்பிக்கை
சிறிலங்கா பொதுஜன பெரமுனவிலிருந்து விலகி சென்ற தரப்பினர் மீண்டும் தமது கட்சியுடன் இணைந்து கொள்வார்கள் என கட்சியின் நாடாளுமன்ற உறுப்பினர் நாமல் ராஜபக்ச நம்பிக்கை வெளியிட்டுள்ளார்.
அத்துடன், தமது கட்சி அதன் உறுப்பினர்கள் யாரையும் வெளியேறுமாறு வலியுறுத்தவில்லை என இன்று கட்சி தலைமையகத்தில் இடம்பெற்ற கூட்டத்தின் பின்னர் நாமல் ராஜபக்ச ஊடகங்களுக்கு தெரிவித்துள்ளார்.
சிறிலங்கா பொதுஜன பெரமுனவில் யார் வேண்டுமானாலும் இணைந்து கொள்ளலாம் எனவும் கட்சியிலிருந்து போகுமாறு யாருக்கும் கட்சி ஒருபோதும் கூறாதெனவும் அவர் கூறியுள்ளார்.
மேலும், சிலர் தமது கட்சியிலிருந்து விலகியிருந்தாலும் அவர்கள் மீண்டும் கட்சியுடன் இணைந்து கொள்வார்கள் என நாமல் ராஜபக்ச நம்பிக்கை வெளியிட்டுள்ளார்.
தேர்தல்
அடுத்த ஆண்டு தேர்தலுக்கான ஆண்டு என சிறிலங்கா அதிபர் ரணில் விக்ரமசிங்க அண்மையில் அறிவித்ததை நாமல் ராஜபக்ச நினைவூட்டியுள்ளார்.
இந்த நிலையில், கடந்த காலங்களில் தமது கட்சி முன்னெடுத்த அரசியல் நடவடிக்கைகளை போல இனிவரும் காலங்களிலும் தேர்தலுக்கு ஆயத்தமாகும் வகையிலான நடவடிக்கைகளை முன்னெடுக்குமென அவர் உறுதியளித்துள்ளார்.
வரவு செலவு திட்டம்
அத்துடன், சிறிலங்கா அரசாங்கத்தால் சமர்பிக்கப்படவுள்ள வரவு செலவு திட்டத்தில் உள்ளடக்கப்பட்டுள்ள விடயங்கள் தொடர்பில் தமது கட்சி அதிக கவனம் செலுத்துமென நாமல் ராஜபக்ச கூறியுள்ளார்.
இதில் மக்களுக்கு வழங்கப்படவுள்ள விடயங்கள் தொடர்பிலும் ஆராயவுள்ளதாக அவர் குறிப்பிட்டுள்ளார்.
மேலும், மக்களுக்காக, மக்களோடு இணைந்து தமது கட்சி இது தொடர்பான தீர்மானங்களை மேற்கொள்ளுமென அவர் தெரிவித்துள்ளார்.
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
