கிழக்கில் அரங்கேறும் பிக்குகளின் அராஜகம்: தமிழ் செயற்பாட்டாளர்களை விரட்டும் ரீஐடி
கடந்த சில வாரங்களாக திருகோணமலையில் பிக்குகளின் அராஜகம் அதிகரித்துள்ள நிலையில், திருகோணமலையைச் சேர்ந்த சமூக செயற்பாட்டாளர்கள், சிவில் செயற்பாட்டாளர்கள், ஊடகவியலாளர்கள் மீது ரீஐடி (TID) விசாரணைகள் மேற்கொள்ளப்பட்டு, அச்சுறுத்தபட்டு வருகின்றதாக தெரிவிக்கப்படுகின்றது.
பெரியகுளத்தில் சட்ட விரோத விகாரை அமைப்பதற்கு எதிராக போராடிய ராஜு எனும் சமூக செயற்பாட்டாளரை ரீஐடி பிரிவினர், நேற்றைய தினம் (19) அவரது வீடு மற்றும் வேலைத் தளங்களுக்கு தேடிச்சென்று விசாரணை செய்ததுடன், தங்களுடைய அலுவலகத்துக்கு வருமாறும் அழைப்பானை விடுத்துள்ளனர்.
அவரை மிரட்டும் வகையிலும் நடந்து கொண்டுள்ளமையானது செயற்பாட்டாளர்கள் மீது அச்சுறுத்தலை விடுக்கும் செயற்பாடாக உள்ளது.
கஜேந்திரன் தாக்கப்பட்டமை
மேலும், கடந்த சில தினங்களுக்கு முன்னர் நாடாளுமன்ற உறுப்பினர் கஜேந்திரன் அவர்கள் திருகோணமலையில் தாக்கப்பட்டதை தொடர்ந்து, திருகோணமலை முன்னணி செயற்பாட்டாளர்களையும் ரீஐடி பிரிவினர் தேடி வருகின்றமை குறிப்பிடத்தக்கது.
இதேவேளை இவ்வாறான தொடர் செயற்பாடுகளால், திருகோணமலை செயற்பாட்டாளர்கள் மன அழுத்தத்துக்கு உள்ளாகி உள்ளதாக தெரிவிக்கப்படுகின்றது.
இது தொடர்பில் சமூக செயற்பாட்டாளர் ஒருவரிடம் வினாவிய போது, பிக்குகள் மாவட்டத்தின் முக்கிய கூட்டமாகிய மாவட்ட ஒருங்கிணைப்பு குழு கூட்டத்திற்குள் அத்துமீறி நுழைந்து சிறிலங்கா அதிபரின் நேரடி பிரதிநிதி கிழக்கு மாகாண ஆளுநர் செந்தில் தொண்டமானை அவமானப்படுத்திய போதும் பிக்குகளை இதுவரை கைது செய்யாத காவல்துறை, சமூக செயற்பாட்டாளர்கள் மீது மட்டும் இவ்வாறு அச்சுறுத்தும் வகையில் நடந்து கொள்வது இலங்கையின் சட்ட ஒழுங்கை கேள்விக்கு உட்படுத்தி உள்ளது என்ற கருத்தை தெரிவித்தார்.
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
