அலி சப்ரிக்கு ஒரு சட்டம் பிரான்ஸ் பிரஜைக்கு ஒரு சட்டம்: சஜித் காட்டம்
சட்டவிரோத சம்பவம் தொடர்பில் நாடாளுமன்ற உறுப்பினர் அலி சப்ரி ரஹீமுக்கு எதிராக விசாரணை நடைபெற்று வருகின்றமையால் விசாரணை முடியும் வரை நாடாளுமன்றக் குழுக்களின் பிரதிநிதித்துவத்தை தற்காலிகமாக இடைநிறுத்த யோசனை முன்வைப்பதாக எதிர்க்கட்சித் தலைவர் சஜித் பிரேமதாச தெரிவித்துள்ளார்.
குறித்த யோசனையை இன்று(22) நாடாளுமன்ற விவாதத்தின் போது தெரிவித்தார்.
அலி சப்ரி ரஹீம், தங்கம் 3.3 கிலோ கிராம் மற்றும் 91 ஸ்மார்ட் கையடக்கத் தொலைபேசிகளை தவறாகவும் சட்ட விரோதமாகவும் கொண்டு வந்த போது 75 இலட்சம் ரூபாவே அபராதம் விதிக்கப்பட்டுள்ளது.
சில தலையீடுகள்
ஆனால் பிரான்ஸ் பிரஜையொருவர் 80 மில்லியன் பெறுமதியான தங்கத்தை கொண்டு வந்தபோது 70 இலட்சம் ரூபா அபராதம் விதிக்கப்பட்டதாகவும் இங்கு சில தலையீடுகள் காணப்படுவதாகவும் அவர் குறிப்பிட்டார்.
அனைத்து நாடாளுமன்ற உறுப்பினர்களும், உறுப்பினர்களுக்கான நடத்தை விதிகளை பின்பற்றுவதற்கு கடமைப்பட்டுள்ளதாகவும்,இது தொடர்பில் பல சரத்துக்கள் உள்ளது.
எனினும் அண்மையில் விமான நிலையத்தில் சட்டவிரோத தங்கம் மற்றும் பொருட்களுடன் பிடிபட்ட நாடாளுமன்ற உறுப்பினர் அலி சப்ரி ரஹீமுக்கு ஏன் சட்டம் உரிய முறையில் பிரயோகிக்கப்படவில்லை என சஜித் பிரேமதாச கேள்வி எழுப்பினார்.
விசாரணை முடியும் வரை
அலி சப்ரி ரஹீம் நாடாளுமன்றத்தின் நெறிமுறைகள் மற்றும் சிறப்புரிமைகள் தொடர்பான குழுவின் விசாரணைக்காக பரிந்துரைக்கப்பட்டுள்ளதாலும், நாடாளுமன்ற உறுப்பினர்களுக்கான நெறிமுறைகள் மற்றும் சிறப்புரிமைகள் தொடர்பாக சிக்கல்கள் உருவாகுவதினாலும் விசாரணை முடியும் வரை அவர் அனைத்து குழுக்களையும் பிரதிநிதித்துவப்படுத்த வேண்டாம் என்றும் எதிர்க்கட்சித் தலைவர் பரிந்துரைத்தார்.
இது நாடாளுமன்றத்தில் 225 பேரையும் பாதிப்பதனால் இது தொடர்பாக ஆராய்ந்து பார்த்து நடவடிக்கை எடுக்குமாறும் அவரை நாடாளுமன்றத்தில் இருந்து வெளியேற்ற வேண்டும் என்றார்.
மேலும், இது தொடர்பான பிரேரணை கொண்டு வருவதாகவும் எதிர்க்கட்சித் தலைவர் தெரிவித்தார்.
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
