திருகோணமலை துப்பாக்கிச் சூடு: மூவர் கைது:பிரதான துப்பாக்கிதாரி இராணுவத்தில் பணியாற்றியதாக தகவல்

திருகோணமலை, உப்புவெளி - கப்பல்துறை பகுதியில் முச்சக்கர வண்டியில் பயணித்தவர்கள் மீது நடத்தப்பட்ட துப்பாக்கிச்சூட்டுச் சம்பவத்துடன் தொடர்புடைய பிரதான துப்பாக்கிதாரி உட்பட மூன்று சந்தேகநபர்கள் கைது செய்யப்பட்டுள்ளனர்.

கடந்த 02ஆம் திகதி இரவு கப்பல்துறை சந்தியை நோக்கி பயணித்துக்கொண்டிருந்த வாடகை முச்சக்கரவண்டியின் பின் இருக்கையில் பயணித்த இருவர் மீது இனந்தெரியாத நபர் ஒருவர் துப்பாக்கிச்சூடு நடத்திவிட்டுத் தப்பிச் சென்றிருந்தார்.

இந்தத் தாக்குதலில் ஒருவர் உயிரிழந்ததுடன், மற்றொருவர் பலத்த காயமடைந்தார். இந்தச் சம்பவம் தொடர்பில் உப்புவெளி காவல்துறையினரும் மாத்தறை காவல் விசேட அதிரடிப்படையினரும் இணைந்து தீவிர விசாரணைகளை மேற்கொண்டு வந்தனர்.

தொழில்நுட்பத்தின் அடுத்த கட்டம்:துறைமுக நகரில் பயணிகளை ஏற்றிச்செல்லும் ட்ரோன்களுக்கான பரிசோதனை

காவல் நிலையத்தில் ஒப்படைப்பு

கிடைத்த இரகசியத் தகவலின் அடிப்படையில், விசேட அதிரடிப்படை அதிகாரிகளால் இந்தத் துப்பாக்கிச்சூட்டுச் சம்பவத்தின் பிரதான துப்பாக்கிதாரி கடந்த 6ஆம் திகதி இரவு திக்வெல்ல பகுதியில் வைத்துக் கைது செய்யப்பட்டார்.

கொலை மற்றும் கொலை முயற்சி குற்றச்சாட்டுகளின் கீழ் கைது செய்யப்பட்ட இவர், மேலதிக விசாரணைகளுக்காக உப்புவெளி காவல் நிலையத்தில் ஒப்படைக்கப்பட்டுள்ளார்.

மேலும் இரு சந்தேகநபர்கள் கடந்த 2ஆம் திகதியன்று 32 கிராம் 800 மில்லிகிராம் 'ஐஸ்' போதைப்பொருளுடன் கைது செய்யப்பட்டிருந்தனர். அவர்களிடம் தடுப்புக் காவல் உத்தரவின் கீழ் நடத்தப்பட்ட மேலதிக விசாரணைகளில், அவர்களுக்கும் இந்த முச்சக்கர வண்டி துப்பாக்கிச்சூட்டுச் சம்பவத்திற்கும் தொடர்பு இருப்பது உறுதி செய்யப்பட்டுள்ளது.

கைது செய்யப்பட்ட சந்தேகநபர்கள் 24, 28 மற்றும் 34 வயதுடையவர்கள் என்பதோடு, அவர்கள் திக்வெல்ல மற்றும் திருகோணமலை பகுதிகளைச் சேர்ந்தவர்கள் என்றும் தெரிவிக்கப்பட்டுள்ளது.

ஜப்பானில் நிலநடுக்கம் : சுக்குநூறாக உடைந்த கண்ணாடிகள் : 22 பேர் காயம்

இராணுவத்தில் பணியாற்றியவர்

மேலும், இச்சம்பவத்தில் துப்பாக்கிதாரியாகச் செயல்பட்ட நபர் முன்னர் இலங்கை இராணுவத்தில் பணியாற்றி, சட்டப்பூர்வமாக விலகியவர் என்பதும் விசாரணைகளில் தெரியவந்துள்ளது.

இச்சம்பவம் தொடர்பில் உப்புவெளி காவல்துறையினர் தொடர்ந்து மேலதிக விசாரணைகளை மேற்கொண்டு வருகின்றனர்.

பிற்பகலுக்கு பின்னர் வானிலையில் ஏற்படப்போகும் மாற்றம்: கடலோரங்களுக்கு விடுக்கப்பட்ட எச்சரிக்கை

யாழ். சாவகச்சேரியில் 16 கிராம் 410 மில்லிக்கிராம் போதைப்பொருளுடன் மூவர் கைது