தமிழர் தலைநகரில் இரகசியமாக கட்டப்படும் விகாரையால் பதற்றம்!(படங்கள்)

Trincomalee Sri Lankan Peoples Eastern Province

By Shadhu Shanker Sep 27, 2023 04:36 PM GMT

Shadhu Shanker

in சமூகம்

Report

திருகோணமலை – நிலாவெளி பிரதான வீதியின் பெரியகுளம் சந்திக்கு அண்மையிலுள்ள பகுதியில் தடையுத்தரவையும் மீறி விகாரைக்கான கட்டுமானப்பணிகள் முன்னெடுக்கப்பட்டு வருவதால் அப்பகுதியில் பதற்ற நிலை தோன்றியுள்ளது.

இப்பணிகள் இரவு வேளைகளில் இரகசியமான முறையில் மேற்கொள்ளப்படுவதாக அப்பகுதி மக்கள் தெரிவிக்கின்றனர்.

நேற்று முன்தினம் (25) திங்கட்கிழமை இரவு சிவில் பாதுகாப்புப் படையினரால் குறித்த கட்டுமானப்பணிகள் மேற் கொள்ளப்பட்டு வருவதாக தெரிய வருகின்றது.

தமிழர் தலைநகரில் இரகசியமாக கட்டப்படும் விகாரையால் பதற்றம்!(படங்கள்) | Trincomalee Iluppaikulam Area In Violation

மக்கள் எதிர்ப்பு

குறித்த பகுதியில் விகாரையின் கட்டுமானங்களுக்கு எதிர்ப்பு தெரிவித்து இம்மாதம் 3ம் திகதி ஞாயிற்றுக்கிழமை மக்கள் எதிர்ப்பு ஆர்ப்பாட்டத்தில் ஈடுபட்டிருந்தனர்.

இதன்பின்னர் 09ம் திகதி காலை மக்களின் எதிர்ப்புக்கு மத்தியில் குறித்த பகுதியில் பொரலுகந்த ரஜமகா விகாரை எனும் பெயர் பொறிக்கப்பட்ட பெயர்ப்பலகை நடப்பட்டிருந்தது.

சிங்கள மக்களின் குடியிருப்பு இல்லாத பகுதியில் குறித்த விகாரை அமைக்கப்படுவதற்கான ஏற்பாடுகள் மேற்கொள்ளப்பட்டு வருவதாகவும் இச்செயற்பாடானது இனங்களுக்கிடையே முறுகல் நிலையை ஏற்படுத்தும் எனவும் அப்பகுதி மக்கள் தெரிவித்து வருகின்றனர்.

அத்துடன் குறித்த விகாரைக்கான பணிகளை இடைநிறுத்தக்கோரி ஆளுநரினால் தடை விதிக்கப்பட்டுள்ள நிலையில் இச் செயற்பாடு மேற்கொள்ளப்பட்டு வருவதாகவும் மக்கள் கவலை வெளியிடுகின்றனர்.