இலங்கைக்கு வந்துள்ள வெளிநாடொன்றின் போர்க்கப்பல்

Port of Colombo Sri Lanka Navy Turkey

By Jaso Jun 14, 2025 10:37 AM GMT

Jaso

in பாதுகாப்பு

Report

துருக்கியின்(turkey) வடக்கு சைப்ரஸ் கடற்படைக் கப்பலான ‘TCG BÜYÜKADA’ நேற்று(13) காலை அதிகாரபூர்வ பயணமாக இலங்கையை(sri lanka) வந்தடைந்தது, மேலும் சிறிலங்கா கடற்படை அந்தக் கப்பலை கொழும்பு துறைமுகத்தில் கடற்படை மரபுகளுக்குஅமைய வரவேற்றது.

நாட்டை வந்தடைந்த இந்தக் கப்பல், 99.56 மீட்டர் நீளமும் 147 பணியாளர்களையும்ம் கொண்ட CORVETTE-வகுப்பு கப்பலாகும், மேலும் இதற்கு லெப்டினன்ட் கொமாண்டர் அனில் BİLGİN தலைமை தாங்குகிறார்.

சிறிலங்கா கடற்படையின் நிகழ்ச்சிகளில் பங்கேற்பு

நாட்டில் தங்கியிருக்கும் காலத்தில், ‘TCG BÜYÜKADA’ என்ற கப்பலும் அதன் பணியாளர்களும் நாட்டின் பல பகுதிகளுக்குச் சென்று முக்கியமான இடங்களைப் பார்வையிடவும், இரு நாடுகளின் கடற்படைகளுக்கு இடையேயான நட்பை மேம்படுத்துவதற்காக சிறிலங்கா கடற்படையால் ஏற்பாடு செய்யப்பட்ட நிகழ்ச்சிகளில் பங்கேற்கவும் திட்டமிடப்பட்டுள்ளது.

இலங்கைக்கு வந்துள்ள வெளிநாடொன்றின் போர்க்கப்பல் | Turkish Warship Arrives At Colombo Port

பயிற்சியில் ஈடுபடவும் திட்டம்

மேலும், ‘TCG BÜYÜKADA’ கப்பல் தனது அதிகாரபூர்வ பயணத்தை முடித்துக்கொண்டு, ஜூன் 16, 2025 அன்று நாட்டிலிருந்து புறப்பட உள்ளது, மேலும் சிறிலங்கா கடற்படைக் கப்பலுடன் மேற்கு கடற்படைக் கட்டளை பிரிவில் ஒரு கடற்படைப் பயிற்சியில் (PASSEX) ஈடுபடவும் திட்டமிடப்பட்டுள்ளது.

இலங்கைக்கு வந்துள்ள வெளிநாடொன்றின் போர்க்கப்பல் | Turkish Warship Arrives At Colombo Port