ஹோர்முஸ் திட்டத்தில் பங்கு வகிக்க பன்னிரண்டுக்கும் மேற்பட்ட நாடுகள் ஒப்புதல்
ஹோர்முஸ் நீரிணையில் கப்பல் போக்குவரத்தைப் பாதுகாப்பதற்கான சர்வதேசப் பணியில் சேரத் தயாராக இருப்பதாகப் பன்னிரண்டுக்கும் மேற்பட்ட நாடுகள் ஒப்புதல் அளித்துள்ளன.
இது தொடர்பில் நேற்று இடத்பெற்ற நிகழ்நிலை சந்திப்பில் மேற்படி ஒப்புதல் வழங்கப்பட்டதாக பிரித்தானியா கூறியுள்ளது.
எனினும் தனக்கு நட்பு நாடுகளின் உதவி தேவையில்லை என்று அமெரிக்க ஜனாதிபதி டொனால்ட் ட்ரம்ப் கூறியுள்ள நிலையில் இது தொடர்பான கேள்விகள் அதிகரித்துள்ளன.
இராணுவத் திட்டமிடல்
ஆரம்பக்கட்ட இராணுவத் திட்டமிடலைத் தொடர்ந்து, அமெரிக்காவுக்கு ஓர் சமிக்ஞையை அனுப்பும் நோக்கில் பிரான்ஸ் மற்றும் பிரித்தானியா தலைமையில் நடைபெற்ற இந்த காணொளிக் கூட்டத்தில் ஐரோப்பா, ஆசியா மற்றும் மத்திய கிழக்கைச் சேர்ந்த சுமார் 50 நாடுகள் கலந்துகொண்டன.
இந்த பேச்சுவார்த்தையின் ஆரம்பக்கட்டமாக நேற்றைய தினம் பேச்சுவார்த்தைக்கு மத்தியில் ஹோர்முஸ் நீரிணை திறக்கப்பட்டது.
ஆனால், பாரிஸ் பேச்சுவார்த்தைகள் முடிவடைந்த உடனேயே, நேட்டோ விலகி இருக்குமாறு தான் கூறியதாக ட்ரம்ப் தெரிவித்துள்ளார்.
எனினும் ட்ரம்பின் இந்த முற்றுகையில் இணைவது போரில் நுழைவதற்குச் சமம் என்றும், ஆனால் ஒரு நீடித்த போர் நிறுத்தம் ஏற்பட்டாலோ அல்லது மோதல் முடிவுக்கு வந்தாலோ, நீரிணையை திறந்த நிலையில் வைத்திருக்க உதவத் தயாராக இருப்பதாகவும் பிரித்தானியா, பிரான்ஸ் மற்றும் பிற நாடுகள் கூறியுள்ளன.
இந்நிலையில் "எந்தவொரு கட்டுப்பாட்டையும், நடைமுறையில் இந்த நீர்வழிப்பாதையைத் தனியார்மயமாக்கும் முயற்சிக்கு வழிவகுக்கும் எதையும், மற்றும் வெளிப்படையாகவே எந்தவொரு சுங்கக் கட்டண முறையையும் நாங்கள் அனைவரும் எதிர்க்கிறோம்," என்று மக்ரோன் செய்தியாளர்களிடம் கூறினார்.
பிரான்ஸ் கடற்படை
மேலும், கிழக்கு மத்தியதரைக் கடல் மற்றும் செங்கடலில் தற்போது நிலைநிறுத்தப்பட்டுள்ள பிரான்ஸ் கடற்படைச் சொத்துக்களின் ஒரு பகுதியை இந்தப் பணிக்காகப் பயன்படுத்தலாம் என்று அவர் கூறியுள்ளார்.
அத்தோடு "அடுத்த வாரம் லண்டனில் நடைபெறவிருக்கும் இராணுவத் திட்ட மாநாட்டின் மூலம் இதை நாங்கள் முன்னெடுத்துச் செல்வோம். அங்கு, இந்தத் திட்டத்தின் அமைப்பு குறித்த கூடுதல் விவரங்களை அறிவிப்போம்.
மேலும், பன்னிரண்டுக்கும் மேற்பட்ட நாடுகள் ஏற்கனவே தங்களது வளங்களை வழங்க முன்வந்துள்ளன," என்று பிரித்தானிய பிரதமர் கெய்ர் ஸ்டார்மர் கூறியிருந்தமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
பருத்தித்துறை, வவுனியா, Auckland, New Zealand, சிட்னி, Australia
18 Apr, 2025
ஆனைக்கோட்டை, யாழ்ப்பாணம், தெல்லிப்பழை வீமன்காமம், வவுனியா, கொழும்பு, Toronto, Canada, Ottawa, Canada
19 Mar, 2026
புங்குடுதீவு 11ம் வட்டாரம், கொக்குவில் மேற்கு, சென்னை, India, வெள்ளவத்தை
15 Apr, 2026
வேலணை கிழக்கு, Cambridge, United Kingdom, கொலம்பஸ், United States
17 Apr, 2019
