போதைப்பொருள் விவகாரம்: தாய் மற்றும் மகள் உட்பட மூவர் கைது!

CID - Sri Lanka Police Sri Lankan Peoples Sri Lanka Police Investigation

By Dilakshan Nov 06, 2024 02:46 PM GMT

Dilakshan

in பாதுகாப்பு

Report

கொழும்பு - தெல்கொட, உடுப்பில பிரதேசத்தில் மேற்கொள்ளப்பட்ட சுற்றிவளைப்பில் ஐஸ் போதைப்பொருளுடன் சந்தேகநபர் ஒருவரும் இரண்டு பெண் சந்தேக நபர்களான தாயும் மகளும் கைது செய்யப்பட்டுள்ளனர்.

குறித்த கைது நடவடிக்கையானது, காவல்துறை விசேட அதிரடிப்படை ஜயவர்தனபுர முகாம் அதிகாரிகளுக்கு கிடைத்த தகவலின் அடிப்படையில் இன்று (06) மேற்கொள்ளப்பட்டுள்ளது.

அதன் போது, 508 கிராம் ஐஸ் போதைப்பொருளை வைத்திருந்த பெண் சந்தேகநபர் ஒருவரையும் அவருக்கு உதவிய மற்றுமொரு பெண் சந்தேகநபரையும் காவல்துறையினர் கைது செய்துள்ளனர்.

மேலதிக விசாரணை

அதனை தொடர்ந்து, இருவருக்கு போதைப்பொருள் வழங்குவதற்காக காரில் வந்த நபர் ஒருவரும் 507 கிராம் ஐஸ் போதைப்பொருளை வைத்திருந்த போது கைது செய்யப்பட்டுள்ளார்.

போதைப்பொருள் விவகாரம்: தாய் மற்றும் மகள் உட்பட மூவர் கைது! | Two Female Suspects Arrested With Ice Drugs

கைது செய்யப்பட்ட சந்தேகநபர் கடுவெல பிரதேசத்தை சேர்ந்த 28 வயதுடையவர் எனவும், இரு பெண்களும் உஸ்வெடகெய்யாவ பிரதேசத்தை சேர்ந்த 37 மற்றும் 58 வயதான தாய் மற்றும் மகள் எனவும் காவல்துறையினர் தெரிவித்துள்ளார்.

இந்த நிலையில், சம்பவம் தொடர்பில் மீகாஹவத்த காவல்துறையினர் மேலதிக விசாரணைகளை மேற்கொண்டு வருகின்றனர்.