கடல் எல்லை மீறல்! இலங்கையில் இருந்து விடுதலையான இரு இந்திய கடற்றொழிலாளர்கள்

இலங்கையில் தடுத்து வைக்கப்பட்டிருந்த இந்திய கடற்றொழிலாளர்கள் இருவர் விடுதலை செய்யப்பட்டு, மீண்டும் அவர்களின் சொந்த நாட்டிற்கு அனுப்பி வைக்கப்பட்டுள்ளனர்.

அவர்கள் தற்போது பாதுகாப்பாகத் தங்களது இல்லங்களைச் சென்றடைந்துள்ளதாகத் தெரிவிக்கப்பட்டுள்ளது.

இரு நாடுகளுக்கும் இடையே நிலவும் கடல் எல்லை மீறல்கள் மற்றும் கடற்றொழிலாளர்கள் கைது செய்யப்படுவது தொடர்பில் நடைமுறைப்படுத்தப்படும் இராஜதந்திர தலையீடுகள் மற்றும் சட்ட நடவடிக்கைகளின் அடிப்படையில் இந்த நடவடிக்கை எடுக்கப்பட்டுள்ளது.

அநுரவுக்கு பெரும் நிம்மதியை அளித்துள்ள அனோஜனின் மரண தண்டனை இரத்து விவகாரம்

நீண்டகால பிரச்சினை

இதற்கு முன்னதாக கடந்த 01 ஆம் திகதியும் 16 இந்திய கடற்றொழிலாளர்கள் விடுதலை செய்யப்பட்டு இந்தியாவுக்கு அனுப்பி வைக்கப்பட்டிருந்தனர்.

இந்திய கடற்றொழிலாளர்கள் இலங்கைக் கடற்பரப்பிற்குள் அத்துமீறி நுழைவதாகக் குற்றஞ்சாட்டப்படும் சம்பவங்கள், கைது நடவடிக்கைகள் மற்றும் பின்னர் இடம்பெறும் விடுதலைச் செயற்பாடுகள் ஆகியவை இரு நாடுகளுக்கும் இடையில் நீண்டகாலமாகத் தொடரும் பிரச்சினையாக உள்ளன.

குறிப்பாக, சர்வதேச கடல் எல்லை தொடர்பான தெளிவான விழிப்புணர்வு, சட்டவிரோத நடவடிக்கையை கட்டுப்படுத்துதல், கடல் வளங்களைப் பாதுகாத்தல் மற்றும் கடற்றொழிலாளர்களின் வாழ்வாதாரத்தை உறுதிப்படுத்துதல் ஆகிய விடயங்களில் இரு நாடுகளும் இணைந்து செயற்பட வேண்டும் என அண்மையில் இலங்கை அரசாங்கத்தால் தொடர்ந்தும் வலியுறுத்தப்படுகின்றமை குறிப்பிடத்தக்கது.

உயிரை தியாகம் செய்து அனுர அரசை பாதுகாக்க தயாராகும் மக்கள்