கடலில் மாயமான மாணவர்கள்: இருளால் இடைநிறுத்தப்பட்ட தேடுதல் பணிகள்

Sri Lanka Police Sri Lankan Peoples

By Dhilak Feb 16, 2024 04:57 PM GMT

Dhilak

in சமூகம்

Report

மாளிகைக்காடு- சாய்ந்தமருது பிரதேசத்தை சேர்ந்த இரண்டு மாணவர்கள் நிந்தவூர் பிரதேச கடலில் புகைப்படம் எடுத்து விளையாடிக் கொண்டிருந்தபோது கடலில் அடித்துச் செல்லப்பட்டு காணாமல் போயுள்ளனர்.

குறித்த சம்பவமானது, இன்று(16) மாலை இடம்பெற்றுள்ளது.

அந்த மாணவர்கள் ஜும்மா தொழுகையை முடித்துக்கொண்டு துவிச்சக்கர வண்டியில் நிந்தவூர்- ஒலுவில் எல்லை கடற்கரைக்கு சென்று புகைப்படம் எடுத்து விளையாடிக் கொண்டிருந்த போதே கடலில் அடித்துச் செல்லப்பட்டுள்ளதாக முதற்கட்ட விசாரணையில் தெரியவந்துள்ளது.

மேலதிக விசாரணை

மாணவர்கள் காணாமல் போன நிமிடம் முதல் கடற்றொழிலாளர்கள் பொதுமக்களும் இயந்திர படகுகளை கொண்டு தேடியும் இன்று இரவு 09.00 மணி வரை அந்த மாணவர்களின் உடலை கண்டுபிடிக்க முடியாமல் இருள் காரணமாக தேடுதல் நடவடிக்கைகள் நிறுத்தப்பட்டுள்ளது.

கடலில் மாயமான மாணவர்கள்: இருளால் இடைநிறுத்தப்பட்ட தேடுதல் பணிகள் | Two Students Missing In The Sea

சாய்ந்தமருது எல்லை வீதியில் அமைந்துள்ள பாடசாலை மாணவர்களான 13-15 வயதுக்குட்பட்ட 08 மாணவர்களில் கடலுக்கு சென்ற வேளையிலேயே அதில் இருவர் அடித்துச் செல்லப்பட்டுள்ளனர்.

மேலும், ஏனைய ஆறு மாணவர்களும் அவர்கள் பயணித்த துவிச்சக்கர வண்டிகளும் நிந்தவூர் காவல்துறையினரின் கட்டுப்பாட்டில் மேலதிக விசாரணைக்காக கொண்டு செல்லப்பட்டுள்ளதாக தெரியவந்துள்ளது.