யாழில் போதைப்பொருளுடன் இருவர் கைது

Sri Lanka Police Sri Lanka Drugs

By Sathangani Dec 19, 2023 06:35 AM GMT

Sathangani

in சமூகம்

Report

யாழ்ப்பாணம் கொக்குவில் பகுதியில் நேற்றிரவு (18) போதைப்பொருள் வைத்திருந்த இரண்டு இளைஞர்கள் காவல்துறையினரால் கைது செய்யப்பட்டுள்ளனர்.

50 கிராம் கஞ்சா கலந்த மாவா போதைப்பொருளை உடைமையில் வைத்திருந்தார்கள் என்ற அடிப்படையிலேயே இருவரும் கைது செய்யப்பட்டதாக தெரிவிக்கப்பட்டுள்ளது.

நீதிமன்றில் முன்னிலைப்படுத்த

யாழ் மாவட்ட புலனாய்வு பிரிவுக்கு கிடைத்த தகவலுக்கமைய குறித்த கைது நடவடிக்கை முன்னெடுக்கப்பட்டது.

யாழில் போதைப்பொருளுடன் இருவர் கைது | Two Youths Arrested With Drugs In Jaffna

கைது செய்யப்பட்ட சந்தேக நபர்களை இன்று (19) யாழ்ப்பாணம் நீதவான் நீதிமன்றத்தில் முன்னிலைப்படுத்த நடவடிக்கை எடுக்கப்பட்டுள்ளது.

இதேவேளை கடந்த 24 மணித்தியாலங்களில் நாடளாவிய ரீதியில் மேற்கொள்ளப்பட்ட விசேட அதிரடி நடவடிக்கையில் 2,166 பேர் கைது செய்யப்பட்டுள்ளதாக காவல்துறையினர் தெரிவித்துள்ளனர்.

பெருமளவு போதைப்பொருட்கள் மீட்பு

இவர்களிடமிருந்து 1 கிலோ 370 கிராம் ஹெரோயின், 556 கிராம் ஐஸ், 7 கிலோ 800 கிராம் கஞ்சா, 3 கிலோ 500 கிராம் மாவா மற்றும் 1,075 போதை மாத்திரைகளும் சோதனையின் போது கண்டுபிடிக்கப்பட்டன.

யாழில் போதைப்பொருளுடன் இருவர் கைது | Two Youths Arrested With Drugs In Jaffna

கைது செய்யப்பட்டவர்களில் 66 பேருக்கு எதிராக தடுப்புக் காவல் உத்தரவு பெறப்பட்டுள்ளதுடன், 14 சந்தேகநபர்கள் தொடர்பில் சொத்து விசாரணைகள் ஆரம்பிக்கப்பட்டுள்ளன.

மேலும் 226 பேர் புனர்வாழ்வுக்கு அனுப்பப்பட்டுள்ளதாக காவல்துறையினர் தெரிவித்தனர்.