அதிகாலைவேளை நிகழவிருந்த பாரிய விபத்து : தொடருந்து ஓட்டுநரால் தப்பிய மாணவர்கள் மற்றும் பயணிகள்
மலையக தொடருந்து பாதையில் டெமோதர மற்றும் எல்ல தொடருந்து நிலையங்களுக்கு இடையில் தொடருந்து பாதையில் பல பெரிய பைன் மரங்கள் விழுந்ததால் இன்று (27) காலை பதுளை-கொழும்பு தொடருந்து சேவை பாதிக்கப்பட்டதாக தொடருந்து திணைக்களம் தெரிவித்துள்ளது.
இன்று (27) அதிகாலை 5.45 மணிக்கு பதுளையிலிருந்து கொழும்பு கோட்டைக்கு பயணத்தைத் தொடங்கிய மலையக மெனிகே தொடருந்து எண் 1016 இன் ஓட்டுநர், தண்டவாளத்தில் விழுந்த மரங்களைக் கண்டு சரியான நேரத்தில் தொடருந்தை நிறுத்தியதன் மூலம் ஒரு பெரிய விபத்தைத் தடுக்க முடிந்தது.
தண்டவாளத்தில் விழுந்த மரங்கள்
வனப்பகுதியில் தீப்பிடித்து எரிந்த மூன்று பெரிய பைன் மரங்கள் தொடருந்து பாதையில் விழுந்து போக்குவரத்துக்கு இடையூறை விளைவித்தன.
தொடருந்து பாதையில் விழுந்த மரங்களை அகற்ற தொடருந்து ஊழியர்கள் நடவடிக்கை எடுத்து வருவதாக தொடருந்து அதிகாரிகள் தெரிவித்தனர்.
கண்டி மெனிகே தொடருந்தில் பயணித்த பள்ளி மாணவர்கள் குழுவும் இந்த மரத்தை அகற்றுவதற்கு ஆதரவளித்தது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
