இலஞ்ச ஒழிப்பு ஆணைக்குழுவில் இருந்து வெளியேறிய பந்துல குணவர்தன!

Bandula Gunawardane CIABOC

By Thulsi Oct 02, 2026 09:46 AM GMT

Thulsi

in அரசியல்

Report

புதிய இணைப்பு

இலஞ்சம் அல்லது ஊழல் குற்றச்சாட்டுகளை விசாரிக்கும் ஆணைக்குழுவில் வாக்குமூலம் அளித்த பின்னர் முன்னாள் அமைச்சர் பந்துல குணவர்தன அங்கிருந்து வெளியேறியுள்ளார்.

2007 ஆம் ஆண்டில் அமைச்சரவைக்குச் சமர்ப்பிக்கப்பட்ட அமைச்சரவைப் பத்திரம் தொடர்பான விசாரணைக்காக, வாக்குமூலம் அளிக்குமாறு இலஞ்ச ஒழிப்பு ஆணைக்குழுவினால் அவர் அழைக்கப்பட்டிருந்தார்.

அதற்கிணங்க, கோரப்பட்ட வாக்குமூலத்தை வழங்குவதற்காக முன்னாள் அமைச்சர் இன்று காலை ஆணைக்குழுவின் முன் முன்னிலையாகி, நான்கு மணி நேரத்திற்கும் மேலாக அங்கு இருந்த பின்னர் அங்கிருந்து வெளியேறினார்.

முதலாம் இணைப்பு

சற்றுமுன் பந்துல குணவர்தன இலஞ்ச ஒழிப்பு ஆணைக்குழுவில் முன்னிலை

முன்னாள் அமைச்சர் பந்துல குணவர்தன இலஞ்ச ஒழிப்பு விசாரணை ஆணைக்குழுவில் முன்னிலையாகியுள்ளார்.

இலஞ்ச ஒழிப்பு ஆணைக்குழு விடுத்த அழைப்பிற்கு அமையவே அவர் இவ்வாறு முன்னிலையாகியுள்ளார்.

விசாரணை

அரச நிறுவனப் பதிவாளர் நிதியிலிருந்து ரூ. 90 மில்லியனை மற்றொரு அரச நிறுவனத்தில் முதலீடு செய்து 59.5 சதவீதப் பலன்களைப் பெற்றது தொடர்பான புகார் குறித்த விசாரணைக்காக குணவர்தன அழைக்கப்பட்டுள்ளார்.

இலஞ்ச ஒழிப்பு ஆணைக்குழுவில் இருந்து வெளியேறிய பந்துல குணவர்தன! | Bandula Gunawardena Arrives At Bribery Commission