வழமைக்கு திரும்பிய மலையகத்திற்கான தொடருந்து சேவைகள்
மலையகத்திற்கான தொடருந்து சேவைகள் இன்று (16) முதல் வழமைக்கு திரும்பியுள்ளதாக தொடருந்து திணைக்கள கட்டுப்பாட்டு அதிகாரியொருவர் தெரிவித்தார்.
நானுஓயாவிலிருந்து நேற்று (15) கொழும்பு நோக்கி புறப்பட்டு வந்த விசேட தொடருந்து கிறேஸ்வெஸ்டனுக்கும் நானுஓயாவிக்கு இடையில் கடந்த சில நாட்களுக்கு முன் தடம்புரண்ட இடத்திற்கு சமீபமாக தொடருந்து தடம்புரண்டதன் காரணமாக நேற்று 3.00 மணி முதல் மலையகத்திற்கான தொடருந்து சேவைகள் தடைப்பட்டன.
இதனால் கொழும்பிலிருந்து பதுளை நோக்கி வருகை தந்த பயணிகள் தலவாக்கலை தொடருந்து நிலையத்திலிருந்து பேருந்துகளின் ஊடாக அனுப்புவதற்கும் பதுளையிலிருந்து கொழும்பு நோக்கி வந்த பயணிகள் நானுஓயாவிலிருந்து அனுப்புவதற்கும் நடவடிக்கை எடுக்கப்படிருந்தன.
சுற்றுலாப் பயணிகள் பாதிப்பு
இதனால் மலையக பகுதிகளுக்கு வருகை தந்திருந்த பயணிகள் மற்றும் வெளிநாட்டு சுற்றுலாப் பயணிகள் பெரும் சிரமங்களை எதிர்நோக்கினர்.
நேற்று தொடருந்து தடம்புரண்டதன் காரணமாக மலையகத்திற்கான மூன்று தொடருந்து சேவைகள் இரத்துச் செய்யப்பட்டதாக தொடருந்து திணைக்களத்தின் ஊழியர் ஒருவர் தெரிவித்தார்.
கடந்த சில வாரங்களாக பல தடவைகள் தொடருந்துகள் தடம்புரள்வு காரணமாக போக்குவரத்து தடைப்பட்டு மக்கள் பல்வேறு நெருக்கடிகளுக்கு முகம் கொடுத்தமையும் குறிப்பிடத்தக்கது.
மண்சரிவினால் மூடப்பட்ட வீதி
இதேவேளை பதுளை – கொழும்பு பிரதான வீதியில் உடுவரை 7ஆம் கட்டை பகுதி மீண்டும் போக்குவரத்துக்காக திறக்கப்பட்டுள்ளதாக வீதி அபிவிருத்தி அதிகார சபை தெரிவித்துள்ளது.
மண்சரிவு காரணமாக மறு அறிவித்தல் வரை மூடப்பட்டிருந்த குறித்த வீதி, மண்மேடு அகற்றப்பட்டு இன்றைய தினம் மீண்டும் போக்குவரத்துக்காக திறக்கப்பட்டுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு, புங்குடுதீவு 10ம் வட்டாரம், யாழ்ப்பாணம், Wembley, United Kingdom
10 Sep, 2023
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023