ரஷ்யாவுடன் கூட்டணியமைத்த சீனா..! குற்றசாட்டுக்களை குவித்த அமெரிக்கா
ரஷ்யா தன்னுடைய நாட்டில் ஆளில்லா விமானங்களை உற்பத்தி செய்ய சீனா பணியாற்றி வருவதாக அமெரிக்கா குற்றம் சாட்டியுள்ளது.
உக்ரைனுக்கு எதிராக ரஷ்யா இரண்டு ஆண்டுகளுக்கும் மேலாக போரில் ஈடுபட்டு வருகின்ற நிலையில் குறித்த குற்றசாட்டு முன்வைக்கப்பட்டுள்ளது.
இது தொடர்பாக ஊடகங்கள் வெளியிட்டுள்ள கருத்தில், இராணுவ தளவாடங்களை உற்பத்தி செய்வதில் ஒரு விரிவான பாதுகாப்பு தளம் அமைப்பதற்கான நோக்கத்துடன் ரஷ்யா பணிகளை மேற்கொண்டு வருவதாக தெரிவிக்கப்பட்டுள்ளது.
இராணுவ உற்பத்தி
அத்தோடு இராணுவ உற்பத்தியை விரைவுப்படுத்தும் வகையில் சீனா அதற்கு உதவியாக செயல்படுவதாகவும் குறிப்பிடப்பட்டுள்ளது.
இதுபற்றி அமெரிக்க ஐரோப்பிய படைகளுக்கான தளபதி ஜெனரல் கிறிஸ் கவோலி மேலும் தெரிவிக்கையில், உக்ரைன் மீது படையெடுத்து இரண்டு ஆண்டுகளான நிலையில் இராணுவ கட்டமைப்புகளை மீண்டும் உருவாக்கி அதில் முற்றிலும் வெற்றியடைந்துள்ளதாக அவர் தெரிவித்துள்ளார்.
படையெடுப்பு
உக்ரைனுக்கு எதிரான படையெடுப்புக்கு முன் இருந்ததுபோல் தன்னுடைய திறனை பெரிய அளவில் மீண்டும் வளர்த்தெடுத்து உள்ளதாக அவர் குறிப்பிட்டுள்ளார்.
இந்த விரைவான வளர்ச்சிக்கு சீனாவே பெரிய அளவில் பொறுப்பு வகிக்கிறது என்று அமெரிக்க அதிகாரிகள் தெளிவுப்படுத்தியுள்ளதாக நாடாளுமன்ற உறுப்பினர்களிடம் அவர் கூறியுள்ளார்.
சீனா மற்றும் ரஷ்யா இடையேயான இந்த ஆழ்ந்த உறவால் 2023 ஆம் ஆண்டில் ரஷ்யாவுக்கு தேவையான மின்னணு பொருட்கள் சீனாவிடம் இருந்து 90 சதவீதம் அளவுக்கு இறக்குமதி செய்யப்பட்டன.
பாதுகாப்பு பொருட்கள்
இவற்றை பயன்படுத்தி ஏவுகணைகள்,பீரங்கிகள் மற்றும் விமானங்கள் ஆகியவற்றை ரஷ்யா தயாரித்துள்ளதாக அமெரிக்காவின் மற்றொரு அதிகாரி தெரிவித்துள்ளார்.
இதுபோன்ற பாதுகாப்பு பொருட்கள் மட்டுமின்றி செயற்கைக்கோள் மற்றும் பிற விண்வெளி திறன்களை மேம்படுத்தவும் ரஷ்யாவுக்கு சீனா உதவி வருவதாகவும் தெரிவிக்கப்படுகின்றது.
மேலும் உக்ரைனுக்கு எதிரான இந்த போரில் ரஷ்யாவுக்கு செயற்கைக்கோள் படங்களை சீனா வழங்கி வருவதாக அமெரிக்கா தெரிவித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
அல்லைப்பிட்டி, பிரான்ஸ், France
12 Nov, 2011
Seremban, Malaysia, நெல்லியடி, மண்டபம், India, Harrow, United Kingdom
30 Oct, 2021
