ஈரானின் முக்கிய நீர்தேக்கத்தின் மீது அமெரிக்கா-இஸ்ரேல் திடீர் தாக்குதல்...

United States of America Iran Iran-US Conflict

By Dharu Mar 29, 2026 01:19 AM GMT

Dharu

in உலகம்

Report

ஈரானின் தென்மேற்கு குசெஸ்தான் மாகாணத்தில் உள்ள ஹஃப்ட்கெல் என்னும் இடத்தில் இருக்கும் நீர்த்தேக்கத்தை, தொடர்ந்து நடைபெற்று வரும் அமெரிக்க-இஸ்ரேலிய தாக்குதல்கள் குறிவைத்துள்ளதாக ஈரானிய ஊடகங்கள் செய்தி வெளியிட்டுள்ளன.

10,000 கன மீட்டர் கொள்ளளவு கொண்ட குறித்த நீர்த்தேக்கம் நேற்று சனிக்கிழமை மாலை நடைபெற்ற தாக்குதல்களில் குறிவைக்கப்பட்டதாக, துணை ஆளுநர் வாலியோல்லா ஹயாதியை மேற்கோள் காட்டி ஈரானின் அரச ஊடகங்கள் விளக்கியுள்ளன.

இந்நிலையில் இஸ்ரேல், அமெரிக்கா மற்றும் ஈரான் ஆகிய நாடுகள் சம்பந்தப்பட்ட தற்போதைய போர் தொடர்ந்தால், அது ஒரு பரந்த உலகளாவிய நெருக்கடியாக உருவெடுக்கும் அபாயம் உள்ளது என துருக்கியின் தேசிய உளவு அமைப்பான எம்.ஐ.டி-யின் தலைவர் இப்ராஹிம் காலின் எச்சரித்துள்ளார்.

STRATCOM உச்சி மாநாடு

சனிக்கிழமையன்று இஸ்தான்புல்லில் நடைபெற்ற STRATCOM உச்சி மாநாடு 2026-ல் உரையாற்றிய இப்ராஹிம் காலின், "பெருந்தொற்றுக்குப் பிறகு, நமது உலகம் பல முக்கியமான திருப்புமுனைகளையும், நெருக்கடிகளையும், பிளவுகளையும் சந்தித்து வருகிறது" என்று கூறியுள்ளார்.

ஈரானின் முக்கிய நீர்தேக்கத்தின் மீது அமெரிக்கா-இஸ்ரேல் திடீர் தாக்குதல்... | Us Israeli Surprise Attack Iran S Main Reservoir