வட்டுக்கோட்டை படுகொலை சம்பவம்! ஐவர் நீதிமன்றில் முன்னிலை

Sri Lanka Police Jaffna Sri Lanka Murder

By pavan Mar 15, 2024 05:56 AM GMT

pavan

in சமூகம்

Report

யாழ்ப்பாணம் - பொன்னாலை பகுதியில் வாள்வெட்டு தாக்குதலில் இளைஞர் ஒருவர் கொல்லப்பட்ட சம்பவம் தொடர்பில் தடுத்து வைக்கப்பட்டுள்ள ஐந்து பேரும் இன்றைய தினம் நீதிமன்றில் முன்னிலைப்படுத்தப்படவுள்ளனர்.

குறித்த ஐந்து பேரும் இன்றைய தினம் மல்லாகம் நீதவான் நீதிமன்றில் முன்னிலைப்படுத்தப்படவுள்ளனர்.

கடந்த 11ஆம் திகதி காரைநகருக்கு சென்று, வட்டுக்கோட்டை பகுதிக்கு திரும்பும் போது, காரில் பயணித்த சிலரால் குறித்த இளைஞர் கடத்தப்பட்டிருந்ததுடன், அவர் மீது வாள்வெட்டு தாக்குதலும் நடத்தப்பட்டிருந்தது.

ஐவர் கைது

இதன்போது, காயமடைந்தவர் வட்டுக்கோட்டை பகுதியில் உள்ள வைத்தியசாலையில் அனுமதிக்கப்பட்டு மேலதிக சிகிச்சைக்காக யாழ்ப்பாணம் போதனா வைத்தியசாலைக்கு மாற்றப்பட்ட நிலையில் சிகிச்சை பலனின்றி உயிரிழந்துள்ளார்.

இதனை தொடர்ந்து கடத்துவதற்காக பயன்படுத்தப்ட்ட கார் கைப்பற்றப்பட்டதுடன், உடனடியாக ஐவர் கைது செய்யப்பட்டனர்.

வட்டுக்கோட்டை படுகொலை சம்பவம்! ஐவர் நீதிமன்றில் முன்னிலை | Vattukkottai Murder News Update

பொன்னாலை கடற்படை முகாமிற்கு முன்பாக இடம்பெற்ற வாள்வெட்டு தாக்குதலில் இளைஞர் ஒருவர் கொல்லப்பட்ட சம்பவம் தொடர்பில் உள்ளக விசாரணைகளை ஆரம்பித்துள்ளதாக கடற்படை தெரிவித்துள்ளது.

குறித்த இளைஞர் மீது தாக்குதல் நடத்த திடீரென பெருந்திரளானோர் கூடியதன் காரணமாக அவர்களை கட்டுப்படுத்துவதற்கான ஆளணி தமது படையினரிடம் இருக்கவில்லை என கடற்படை பேச்சாளர் கெப்டன் கயான் விக்ரமசூரிய தெரிவித்திருந்தமை குறிப்பிடத்தக்கது.