உதய கம்மன்பிலவிற்கு எதிராக சிஐடியில் முறைப்பாடு : விடுக்கப்பட்டுள்ள எச்சரிக்கை

முன்னாள் அமைச்சர் உதய கம்மன்பிலவின் வெறுப்பு பேச்சுக்கள் குறித்து ஆராய்ந்து, அவரை கைது செய்து ஏற்படவிருக்கும் வன்முறைகளில் இருந்து நாட்டைப் பாதுகாக்க வேண்டும் என்று சிவில் செயற்பாட்டாளரான உபாலி ரத்நாயக்க குற்றப்புலனாய்வுத் திணைக்களத்தில் முறைப்பாடளித்துள்ளார்.

அநுராதபுரம் புனித நகரில் இந்துக் கோயில்களை அமைக்க அரசாங்கம் முயற்சிப்பதாக போலியான கருத்துக்களை குறிப்பிட்டு உதய கம்மன்பில மத முரண்பாட்டை தோற்றுவிக்க முயற்சிப்பதாக அவர் சுட்டிக்காட்டினார்.

உதய கம்மன்பில குறிப்பிட்ட கருத்துக்கு எதிராக குற்றப்புலனாய்வுத் திணைக்களத்தில் நேற்று (29) முறைப்பாடளித்ததன் பின்னர் ஊடகங்களுக்கு கருத்து தெரிவிக்கையில் அவர் இவ்வாறு குறிப்பிட்டார்.

எரிவாயு விநியோகத்தில் தடை : லாஃப்ஸ் நிறுவனத்துக்கு எதிராக வழக்குத் தாக்கல்

ஞானசார தேரருக்கு வழங்கிய தீர்ப்பு

இது குறித்து அவர் மேலும் தெரிவித்ததாவது, நாட்டில் மீண்டும் இனவாதம் மற்றும் மதவாத முரண்பாடுகளை ஏற்படுத்த அரசியல் தரப்பினர் தீவிரமாக முயற்சிக்கிறார்கள்.

முன்னாள் அமைச்சரான உதய கம்மன்பில இம்மாதம் 26 ஆம் திகதி ஊடக சந்திப்பை நடத்தி அநுராதபுரம் புனித நகர அபிவிருத்தி திட்டம் தொடர்பில் போலியான மற்றும் மதங்களுக்கிடையில் வன்முறை மற்றும் கலவரம் தோற்றம் பெறும் வகையிலான வெறுப்பு பேச்சுக்களை வெளிப்படுத்தினார்.

மத நம்பிக்கை தொடர்பில் மக்கள் மத்தியில் தவறான நிலைப்பாட்டை தோற்றுவித்து மத வன்முறையை உருவாக்க இவர் முயற்சித்துள்ளார். ஞானசார தேரருக்கு உயர்நீதிமன்றம் வழங்கிய தீர்ப்பு மற்றும் காவியுடை நீக்கம் தொடர்பில் இவர் மக்கள் மத்தியில் தவறான விடயங்களை சமூகமயப்படுத்தியுள்ளார்.

தமிழகத்திலிருந்து நாடு திரும்பிய யாழ்ப்பாண நபர் பிணையில் செல்ல அனுமதி

குற்றப்புலனாய்வுத் திணைக்களத்தில் முறைப்பாடு

உதய கம்மன்பிலவின் வெறுப்பு பேச்சுக்கள் குறித்து ஆராய்ந்து அவரை கைது செய்து ஏற்படவிருக்கும் வன்முறைகளில் இருந்து நாட்டை பாதுகாக்க வேண்டும் என்ற நோக்கத்தில் அவருக்கு எதிராக குற்றப்புலனாய்வுத் திணைக்களத்தில் முறைப்பாடளித்துள்ளோம்.

அநுராதபுர நகர திட்டத்தில் சுரங்க பாதையை அமைப்பதால் புனித ருவன்வெளிசாய தூபி உடைந்து விழும் அபாயம் காணப்படுவதாகவும், புனித நகரில் இந்து கோயில்கள் அமைக்கப்படுவதாகவும், ஹோட்டல்கள் உருவாக்கப்படுவதாகவும் உதய கம்மன்பில பொய்யான கருத்துக்களை சமூகமயப்படுத்தியுள்ளார்.

பேச்சுரிமை என்று குறிப்பிட்டுக் கொண்டு இனங்களுக்கிடையில் முரண்பாடுகளை ஏற்படுத்தும் வகையில் கருத்துக்களை வெளிப்படுத்த எவருக்கும் உரிமையில்லை.

ஆகவே உதய கம்மன்பிலவின் இனவாத மற்றும் மதவாத கருத்துக்கள் குறித்து முறையான விசாரணைகளை முன்னெடுக்க வேண்டும். இல்லையேல் நாட்டில் பாரிய விளைவுகள் ஏற்படும்” என தெரிவித்தார்.

அதிக பணிச்சுமை: பல்கலைக்கழக விரிவுரையாளர்கள் இன்று பணிப்புறக்கணிப்பு