இலங்கைக்கு பிள்ளைகளுடன் சுற்றுலா வந்த வெளிநாட்டு பெண்ணின் செயல் : எடுக்கப்பட்ட நடவடிக்கை
இலங்கைக்கு தனது இரண்டு பிள்ளைகளுடன் சுற்றுலா வந்த எத்தியோப்பிய நாட்டைச் சேர்ந்த பெண் ஒருவர் இலங்கையில் ஆணொருவரை திருமணம் செய்து விசா காலாவதியான நிலையில் வாழ்ந்து வந்த நிலையில் கண்டி சுற்றுலாத்துறை காவல்துறையினரால் கைது செய்யப்பட்டுள்ளார்.
குறித்த பெண் இலங்கையை சேர்ந்த ஒருவரை திருமணம் செய்து அம்பிட்டிய பிரதேசத்தில் வசித்து வந்துள்ளார்.
இலங்கை கணவரின் அச்சம்
தன்னை திருமணம் செய்த வெளிநாட்டு பெண், மீண்டும் வெளிநாட்டுக்குச் சென்றுவிடுவாரோ என அஞ்சிய இலங்கையை சேர்ந்த கணவர் பெண்ணின் கடவுச்சீட்டு மற்றும் ஏனைய ஆவணங்களை மறைத்து வைத்திருந்ததாக காவல்துறை விசாரணையில் தெரியவந்துள்ளது.
காவல்துறை எடுத்த நடவடிக்கை
எத்தியோப்பிய பெண் தனது முந்தைய திருமணத்தில் எத்தியோப்பியாவில் பிறந்த தனது இரண்டு பிள்ளைகளுடன் இலங்கைக்கு வந்துள்ளார்.
மேலும் அவரது விசா ஜனவரி 17 ஆம் திகதி காலாவதியானது, சம்பவம் குறித்து கண்டி சுற்றுலா காவல்துறை பிரிவு இந்தியாவிலுள்ள எத்தியோப்பிய தூதரகத்திற்கு அறிவிக்க நடவடிக்கை எடுத்துள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
