சிவப்பு நிற கை.! உலகின் பழமையான குகை ஓவியம் கண்டுபிடிப்பு

Indonesia World Artist

By Thulsi Jan 23, 2026 04:49 AM GMT

Thulsi

in உலகம்

Report

வெளிநாடொன்றில் உலகின் பழமையான குகை ஓவியம் கண்டுபிடிக்கப்பட்டுள்ளதாக சர்வதேச ஊடகங்கள் செய்தி வெளியிட்டுள்ளன.

இந்த குகை ஓவியம் சுமார் 67,800 ஆண்டுகள் பழமையானது என தெரிவிக்கப்படுகிறது.

இது ஸ்பெயினில் உள்ள 66,700 ஆண்டுகள் பழமையான நியண்டர்தால் கை அச்சை விட சற்றே பழமையானது என்றும் ஆராய்ச்சியாளர்கள் தெரிவித்துள்ளனர்.

சிவப்பு நிற கை ஓவியம்

இந்தோனேசியாவில் கடற்கரையில் உள்ள முனா தீவில் ஒரு குகையில் தொல்பொருள் ஆராய்ச்சியாளர்கள் ஆய்வு மேற்கொண்ட போது ஒரு சுண்ணாம்புக் குகையின் சுவரில் மனிதனால் உருவாக்கப்பட்ட பாறை ஓவியங்களை கண்டுபிடித்தனர்.

சிவப்பு நிற கை.! உலகின் பழமையான குகை ஓவியம் கண்டுபிடிப்பு | Worlds Oldest Cave Art Discovered In Indonesias

வரலாற்றுக்கு முந்தைய பேலியோலித்திக் காலத்தை சேர்ந்த வேட்டையாடுதல் தொடர்பான ஓவியம் ஆகும்.

குகையின் சுவரில் காணப்படும் சிவப்பு நிற கை ஓவியம், இதுவரை கண்டுபிடிக்கப்பட்டதிலேயே மிகவும் பழமையான பாறை ஓவியம் என்று விஞ்ஞானிகள் தெரிவித்தனர்.

மற்ற ஓவியங்களில் பறவைகளின் தலைகள் மற்றும் பிற விலங்குகளின் அம்சங்களைக் கொண்ட மனித உருவங்கள் காணப்பட்டன.

குகைச் சுவரில் கைகளை வைத்து, அதன் மேல் நிறமிகளை ஊற்றி இந்த உருவங்கள் உருவாக்கப்பட்டுள்ளன. இதில் சில விரல் நுனிகள் கூர்மையாக தெரியும் வகையில் மாற்றியமைக்கப்பட்டுள்ளன.