இஸ்ரேலுக்கு எதிராக பிரச்சாரம்: 9 மாத விளக்கமறியலுக்குப் பிணை அனுமதி
Dilakshan
in சட்டம் மற்றும் ஒழுங்கு
சமூக ஊடகங்கள் மூலம் இஸ்ரேலுக்கு எதிராக பிரச்சாரம் நடத்தியதாக சந்தேகத்தின் பேரில் ஒன்பது மாதங்களாக விளக்கமறியலில் வைக்கப்பட்டிருந்த ஒரு இளைஞன் இன்று கல்கிசை மேலதிக நீதவான் ஹேமாலி ஹல்பத்தெனியவால் பிணையில் செல்ல அனுமதிக்கப்பட்டுள்ளார்.
சந்தேக நபரான மொஹமட் ரிஃபாய் மொஹமட் சுஹைல் (21) தெஹிவளை காவல்துறையினரால் ஒக்டோபர் 25, 2024 அன்று பயங்கரவாதத் தடுப்புச் சட்டத்தின் கீழ் கைது செய்யப்பட்டு பின்னர் விளக்கமறியலில் வைக்கப்பட்டார்.
இந்த வழக்கு இன்று விசாரணைக்கு எடுத்துக்கொள்ளப்பட்டபோது, சட்டமா அதிபர் சந்தேக நபரை பிணையில் செல்ல அனுமதிக்குமாறு அறிவுறுத்தியதாக காவல்துறையினர் நீதிமன்றத்திற்குத் தெரிவித்துள்ளனர்.
வழக்கு ஒத்திவைப்பு
மேலும், சொலிசிட்டர் ஜெனரல் ஜனாதிபதி வழக்கறிஞர் விராஜ் தயாரத்னவினால் வழங்கப்பட்ட தொடர்புடைய ஆவணத்தையும் காவல்துறையினர் சமர்பித்தனர்.
சந்தேக நபரை இரண்டு சரீரப் பிணைகளுடன் ரூ.500,000 தனிப்பட்ட பிணையில் அனுப்ப நீதிபதி உத்தரவிட்டதுடன், வழக்கை செப்டம்பர் 16 ஆம் திகதிக்கு ஒத்திவைத்தார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
அநுர அரசாங்கத்தின் அமெரிக்க கனவு 1 நாள் முன்
யாழ்ப்பாணம், முகத்தான்குளம், செட்டிக்குளம், Liverpool, United Kingdom
20 Jun, 2025
