பயங்கர ஆயுதங்கள் மற்றும் போதைப்பொருளுடன் இளைஞன் கைது!
கண்டி - திகன பிரதேசத்தில் வெளிநாட்டில் தயாரிக்கப்பட்ட கைக்குண்டு, ஐஸ் போதைப்பொருள் மற்றும் கூர்மையான ஆயுதங்களை வைத்திருந்த 25 வயதுடைய இளைஞர் ஒருவர் கைது செய்யப்பட்டுள்ளதாக காவல்துறையினர் தெரிவித்துள்ளனர்.
தெல்தெனிய காவல் நிலைய அதிகாரிகளுக்குக் கிடைத்த தகவலின் அடிப்படையில், நேற்று(11) மாலை நடத்தப்பட்ட சோதனையின்போதே இச்சந்தேகநபர் கைது செய்யப்பட்டுள்ளார்.
கைது செய்யப்பட்ட போது, அவரிடமிருந்து 5,155 மில்லிகிராம் ஐஸ் போதைப்பொருளும், போதைப்பொருள் வியாபாரம் மூலம் ஈட்டப்பட்டதாகச் சந்தேகிக்கப்படும் 63,000 ரூபாய் பணமும் கைப்பற்றப்பட்டுள்ளன.
மேலதிக விசாரணை
தொடர்ந்து சந்தேகநபரிடம் நடத்தப்பட்ட விசாரணையின் பேரில் அவரது வீட்டில் மேற்கொள்ளப்பட்ட சோதனையின்போது, மறைத்து வைக்கப்பட்டிருந்த வெளிநாட்டு கைக்குண்டு, 1,250 மில்லிகிராம் ஐஸ் போதைப்பொருள், இரண்டு வாள்கள் மற்றும் ஒரு கூர்மையான கத்தி ஆகியவை கண்டுபிடிக்கப்பட்டுள்ளன.
திகன பகுதியைச் சேர்ந்த குறித்த சந்தேகநபர் தடுத்து வைக்கப்பட்டுள்ள நிலையில், தெல்தெனிய காவல்துறையினர் மேலதிக விசாரணைகளை மேற்கொண்டுள்ளனர்.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
கோப்பாய், Sudbury Hill, United Kingdom, Ealing, United Kingdom
27 Jul, 2026
