இலஞ்சம் வாங்கிய வலயக்கல்விப்பணிப்பாளர் : நீதிமன்றம் அளித்த உத்தரவு

Ampara Bribery Commission Sri Lanka Arrest

By Sumithiran Mar 03, 2026 04:44 PM GMT

Sumithiran

in குற்றம்

Report

ரூபாய் 50,000 இலஞ்சம் பெற்றதாகக் கூறப்படும் வழக்கில் இலஞ்ச ஒழிப்பு ஆணையத்தால் கைது செய்யப்பட்ட தெஹியத்தகண்டிய வலயக் கல்விப் பணிப்பாளர் மற்றும் அலுவலகத்துடன் இணைக்கப்பட்ட ஆசிரியர் ஆலோசகரை தலா 1 மில்லியன் ரூபாய் இரண்டு சரீரப் பிணைகளில் விடுவிக்க கொழும்பு தலைமை நீதவான் அசங்க எஸ். போதரகம இன்று (03) உத்தரவிட்டார்.

சம்பவத்தில் சந்தேக நபருக்கு பயணத் தடையும் விதித்து நீதவான் உத்தரவிட்டார்.

ஒருவரின் நியமனக் காலத்தை நீடிக்க இலஞ்சம்

சேவையை விட்டு விலகி மீண்டும் பணியில் சேர்ந்த ஒருவரின் நியமனக் காலத்தை நீடிக்க இரண்டு சந்தேக நபர்களும் இலஞ்சமாக ரூபாய் 50,000 கோரியதாக விசாரணை அதிகாரிகள் நீதிமன்றத்தில் தெரிவித்தனர்.

இலஞ்சம் வாங்கிய வலயக்கல்விப்பணிப்பாளர் : நீதிமன்றம் அளித்த உத்தரவு | Zonal Education Director Granted Bail

இலஞ்ச ஒழிப்பு ஆணையத்தால் கைது

சம்பந்தப்பட்ட நபர் அளித்த புகாரின் பேரில், தெஹியத்தகண்டிய வலயக் கல்வி அலுவலகத்தில் இலஞ்சப் பணத்தைப் பெற்றபோது, இலஞ்ச ஒழிப்பு ஆணையம் சந்தேக நபர்களைக் கைது செய்ததாக விசாரணை அதிகாரிகள் தெரிவித்தனர்.

கைது செய்யப்பட்ட வலயக் கல்விப் பணிப்பாளரும் ஆசிரியர் ஆலோசகரும் தெஹியத்தகண்டிய நீதவான் நீதிமன்றத்தில் முற்படுத்தப்பட்டு இன்று வரை விளக்கமறியலில் வைக்கப்பட்டனர்.