அதிவேக நெடுஞ்சாலைக்காக 200 அதிசொகுசு பேருந்துகள் கொள்வனவுக்கு அனுமதி
Sathangani
in பொருளாதாரம்
நாட்டிலுள்ள அதிவேக நெடுஞ்சாலை நடவடிக்கைகளுக்காக 200 புதிய அதிசொகுசு பேருந்துகளை கொள்வனவு செய்வதற்கு அமைச்சரவை அங்கீகாரம் வழங்கியுள்ளது.
இலங்கை போக்குவரத்து சபையின் பொதுவான பேருந்துத் தொகுதியில் 52% சதவீதமானவையும், மற்றும் அதிசொகுசு பேரூந்துத் தொகுதியில் 94% சதவீதமானவை பொருளாதாரத் தேய்மான ஆயுட்காலத்தைக் கடந்துள்ளன.
அத்துடன், இலங்கை போக்குவரத்துச் சபையின் பேருந்துத் தொகுதிக்கு புதிய பேருந்துகளை அறிமுகம் செய்ய வேண்டிய அவசர தேவை நிலவுகின்றது.
அதிசொகுசு பேருந்துகள்
அதிவேக நெடுஞ்சாலைப் பயணிகளின் கேள்வியைப் பூர்த்தி செய்வதற்குப் போதுமான பேருந்துகள் இன்மையால் இலங்கை போக்குவரத்துச் சபையால் தற்போது தனியார் துறையினருக்குச் சொந்தமான 61 அதிசொகுசு பேருந்துகளை இலாபப் பகிர்வு அடிப்படையில் போக்குவரத்தில் ஈடுபடுத்தப்பட்டுள்ளன.
அதிவேக நெடுஞ்சாலைப் போக்குவரத்துக்கான 200 அதிசொகுசு பேருந்துகளை தமது சொந்த நிதியைப் பயன்படுத்திக் கொள்வனவு செய்வதற்கு இலங்கை போக்குவரத்துச் சபை தீர்மானித்துள்ளது.
அதற்கமைய, நிதி இயலுமை கொண்ட இலங்கை போக்குவரத்துச் சபை சாலைகள் மூலம் 29 அதிசொகுசுப் பேருந்துகளை நேரடியாகக் கொள்வனவு செய்வதற்கும், இலங்கை போக்குவரத்துச் சபையின் நிதியைப் பயன்படுத்தி ஆரம்பத் தொகையொன்றைச் செலுத்தியும் எஞ்சிய தொகையை மாதாந்தத் தவணைக் கொடுப்பனவாக ஈட்டப்படுகின்ற இலாபத்தில் செலுத்துவதன் மூலம் ஏனைய பேருந்துகளைக் கொள்வனவு செய்வதற்கும் போக்குவரத்து, நெடுஞ்சாலைகள், துறைமுகங்கள் மற்றும் சிவில் விமான சேவைகள் அமைச்சரால் சமர்ப்பித்துள்ள யோசனைக்கு அமைச்சரவை அங்கீகாரம் வழங்கியுள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
Kuala Lumpur, Malaysia, தொல்புரம், Gunzenhausen, Germany
24 Sep, 2025
