800 திரைப்படத்திற்கு இலங்கையில் எழுந்த சர்ச்சை: முத்தையா முரளிதரனுக்கு அறிவுறுத்தல்
இலங்கை முன்னாள் கிரிக்கெட் வீரரான முத்தையா முரளிதரனின் வாழ்க்கை வரலாறான 800 படத்தின் முன்னோட்டம் நேற்று(5) வெளியிடப்பட்டுள்ள நிலையில், முன்னோட்டத்திலுள்ள வசனங்கள் சர்ச்சைகளுக்கு உள்ளாக்கப்பட்டுள்ளது.
நாட்டையும் உலகையும் திரும்பி பார்க்க வைக்கும் மலையக தமிழன் என்று சொல்லுங்கள். தடை செய்யப்பட்ட வார்த்தை பிரயோகம் வேண்டாம் என தமிழ் முற்போக்கு கூட்டணியின் தலைவரும், நாடாளுமன்ற உறுப்பினருமான மனோ கணேசன், இலங்கையின் முன்னாள் சுழற்பந்து வீச்சாளர் முத்தையா முரளிதரனிற்கு அறிவுறுத்தல் வழங்கியுள்ளார்.
சர்ச்சைக்குரிய சொற்பிரயோகம்
இவ்வாறான சர்ச்சைக்குரிய சொற்பிரயோகம் தொடர்பில் கருத்து தெரிவிக்கும் போதே மனோ கணேசன் இந்த விடயத்தை குறிப்பிட்டுள்ளார்.
மேலும், இந்நாட்டு இந்திய வம்சாவளி மலையக தமிழர் மத்தியில், தடை செய்யப்பட்ட வார்த்தையை உங்கள் பட முன்னோட்ட "ட்ரைலரில்" பயன்படுத்த வேண்டாம்.
அந்த வார்த்தையை நானே நேரடியாக தடை செய்து காட்டியுள்ளேன். கதையம்சத்துக்கு தேவை என என்னிடம் கதைவிட வேண்டாம். நானே ஒரு கதாசிரியர். எனக்கு இது தெரியும்.
அந்த இடத்தில் "நாட்டை திரும்பி பார்க்க வைத்த மலையக தமிழன்" என்று போடுங்கள். சரியாக வரும் எனவும் குறிப்பிட்டுள்ளார்.
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
