சிறுவனை தூக்கி செல்ல முயன்ற இராட்சத பருந்து!அச்சத்தில் பிரதேச மக்கள்
பொலன்றுவை (Polonnaruwa) பிரதேசத்தில் இராட்சதப் பருந்து ஒன்று, முற்றத்தில் விளையாடிக் கொண்டிருந்த சிறுவனை தூக்கிச் செல்ல முயன்ற சம்பவம் அதிர்ச்சியை ஏற்படுத்தியுள்ளது.
குறித்த இராட்சதப் பருந்தால் பிரதேச மக்கள் மிகவும் அச்சத்தில் உள்ளதாகத் தெரிவிக்கப்பட்டுள்ளது.
சம்பவம் தொடர்பில் மேலும் தெரியவருகையில், முற்றத்தில் விளையாடிக் கொண்டிருந்த சிறுவனை திடீரெனப் பருந்து தூக்கிச் செல்ல முற்பட்டுள்ளது.
காயமடைந்த சிறுவன்
இதன்போது, குறித்த சம்பவத்தை கண்ட தந்தை கூக்குரலிட்டதையடுத்து பருந்து சிறுவனை போட்டு விட்டு சென்றுள்ளது.
அதனையடுத்து, பருந்து தூக்கியதால் காயமடைந்த சிறுவன், பொலனறுவை மருத்துவமனையில் சிகிச்சை பெற்று வீடு திரும்பியுள்ளார்.
பிரதேச வாசிகள் கோரிக்கை
எனினும், சிறுவன் இதுவரை அச்சத்தில் இருந்து மீளவில்லை என பெற்றோர் தெரிவித்துள்ளனர்.
இந்நிலையில், குறித்த பருந்தை விரட்ட வனஜீவராசிகள் திணைக்களத்தினர், நடவடிக்கை எடுக்க வேண்டுமென பிரதேச வாசிகள் கோரிக்கை விடுத்துள்ளனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
