இந்திய திரைப்பட நடிகர் பிரதீப் ராவத் காலமானார்
இந்தி, தமிழ், தெலுங்கு உள்ளிட்ட பல்வேறு மொழித் திரைப்படங்களில் வில்லன் கதாபாத்திரங்களின் மூலம் ரசிகர்களிடையே தனித்துவமான இடத்தைப் பெற்ற மூத்த நடிகர் பிரதீப் ராவத் (74) ரத்தப் புற்றுநோய் காரணமாக நேற்று மாலை மும்பையில் காலமானார்.
நான்கு ஆண்டுகளுக்கு முன்னர் புற்றுநோயிலிருந்து மீண்டிருந்த அவருக்கு, கடந்த ஒன்றரை மாதங்களாக நோய் மீண்டும் தீவிரமடைந்ததாகத் தெரிவிக்கப்படுகிறது.
இதையடுத்து மும்பையிலுள்ள கோகிலாபென் மருத்துவமனையில் அனுமதிக்கப்பட்டு சிகிச்சை பெற்று வந்த நிலையில், உடல்நிலை மோசமடைந்து உயிரிழந்தார்.
இரங்கலைத் தெரிவித்து வரும் ரசிகர்கள்
அவரது இறுதிச் சடங்குகள் இன்று மாலை மும்பையில் நடைபெறவுள்ளதாக குடும்பத்தினர் தெரிவித்துள்ளனர்.
பி.ஆர். சோப்ராவின் புகழ்பெற்ற 'மகாபாரதம்' தொலைக்காட்சி தொடரில் அஸ்வத்தாமன் கதாபாத்திரத்தில் நடித்ததன் மூலம் தனது கலைப் பயணத்தைத் தொடங்கிய பிரதீப் ராவத், பின்னர் இந்தித் திரைப்படமான 'லகான்' மூலம் பரவலாக அறியப்பட்டார்.
தமிழில் நடிகர் சூர்யா நடித்த 'கஜினி' திரைப்படத்தில் வலுவான வில்லன் கதாபாத்திரத்தில் நடித்த அவர், அதே படத்தின் இந்தி மறுஉருவாக்கத்திலும் அமீர் கானுக்கு எதிராக வில்லனாக நடித்திருந்தார்.
இந்தி, தமிழ், தெலுங்கு மட்டுமன்றி கன்னடம், மலையாளம், போஜ்புரி மற்றும் நேபாளி மொழித் திரைப்படங்களிலும் நடித்துள்ள பிரதீப் ராவத்தின் மறைவுக்கு இந்தியத் திரையுலக பிரபலங்கள், கலைஞர்கள் மற்றும் ரசிகர்கள் பலரும் ஆழ்ந்த இரங்கலைத் தெரிவித்து வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 3ம் வட்டாரம், சிவபுரம், வவுனிக்குளம், Woodbridge, Canada
05 Aug, 2022
புங்குடுதீவு 11ம் வட்டாரம், யாழ்ப்பாணம், கொழும்பு, Muscat, Oman
03 Aug, 2026
