சொத்து விபரங்களை சமர்ப்பிப்பதற்கான காலக்கெடு : வெளியான முக்கிய அறிவிப்பு
2026 ஆம் ஆண்டுக்கான வருடாந்த சொத்து மற்றும் பொறுப்பு விபரங்களை சமர்ப்பிப்பதற்கான இறுதித் திகதி இவ்வருடம் ஜூன் மாதம் 30 ஆம் திகதியுடன் நிறைவடைகின்றதாக இலஞ்சம் மற்றும் ஊழல் விசாரணை ஆணைக்குழு அறிவித்துள்ளது.
2023 ஆம் ஆண்டின் 9 ஆம் இலக்க ஊழல் எதிர்ப்புச் சட்டத்தின் 80(1) பிரிவின் கீழ், வரையறுக்கப்பட்டுள்ள அனைத்து அரச அதிகாரிகள் மற்றும் ஏனைய பிரிவினர் தமது சொத்து விபரங்களை சமர்ப்பிப்பது கட்டாயமாக்கப்பட்டுள்ளது.
கடந்த காலங்களில் 1975 ஆம் ஆண்டின் 1 ஆம் இலக்கச் சட்டத்தின் கீழ் சொத்து விபரங்களை சமர்ப்பித்தவர்களும், புதிய சட்டத்தின் கீழ் உள்வாங்கப்பட்ட புதிய வகை அதிகாரிகளும் குறித்த விபரங்களை சமர்ப்பிக்க வேண்டும்.
இலத்திரனியல் முறைமை
அத்துடன் இந்த ஆண்டு முதல் மத்திய இலத்திரனியல் முறைமையின் ஊடாக மாத்திரமே தமது சொத்து விபரங்களை சமர்ப்பிக்க வேண்டும் என ஆணைக்குழுவின் பணிப்பாளர் நாயகம் ஆர்எஸ்டி ஜயநாயக்க தெரிவித்துள்ளார்.
புதிய சட்டத்தின் கீ்ழ் பதிவு செய்யப்பட்ட தொழிற்சங்கங்களின் நிறைவேற்று அதிகாரிகள், பத்திரிகை நிறுவனங்களின் உரிமையாளர்கள், ஆசிரியர்கள் மற்றும் ஆசிரியர் குழு உறுப்பினர்கள், தனியார் வானொலி மற்றும் தொலைக்காட்சி நிறுவனங்களின் உரிமையாளர்கள், ஆசிரியர்கள் மற்றும் ஆசிரியர் குழு உறுப்பினர்கள் விபரங்களை சமர்ப்பிக்க வேண்டும்.
அத்துடன் தேசிய விளையாட்டுச் சங்கங்களின் உத்தியோகத்தர்கள், சுங்கத் திணைக்கள அதிகாரிகள் உள்ளிட்ட தரப்பினர் தமது சொத்து விபரங்களை சமர்ப்பிப்பது அவசியமாகும் என தெரிவிக்கப்பட்டுள்ளது.
தொலைபேசி இலக்கங்கள்
இந்த நிலையில் அனைத்து விபரங்களும் https://aldciabocgovlk/ என்ற இணையத்தள முகவரியின் ஊடாக மட்டுமே சமர்ப்பிக்கப்பட வேண்டும். 2026 மார்ச் 31 ஆம் திகதி நிலவரப்படியான சொத்து மற்றும் பொறுப்பு விபரங்கள், ஜூன் 30 ஆம் திகதிக்கு முன்னர் சமர்ப்பிக்கப்பட வேண்டும்.
நேற்றைய திகதியில் (15) இருந்து, இந்த விபரங்களை சமர்ப்பிக்க இன்னும் 15 நாட்கள் மட்டுமே எஞ்சியுள்ளன என்பதை ஆணைக்குழு நினைவூட்டியுள்ளது.
இது தொடர்பான மேலதிக விபரங்களுக்கு 0767011954 அல்லது 0112587287 ஆகிய தொலைபேசி இலக்கங்களுடன் தொடர்பு கொள்ள முடியும் என அறிவிக்கப்பட்டுள்ளது.
இலங்கையிலிருந்து ஊழலை ஒழிக்கும் இந்த வேலைத்திட்டத்திற்கு அனைத்து தரப்பினரும் ஒத்துழைப்பு வழங்குமாறு ஆணைக்குழு கேட்டுக்கொண்டுள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
அரியாலை, கொழும்பு, Georgetown, Guyana, Edgware, United Kingdom
17 Jun, 2025
புங்குடுதீவு 9ம் வட்டாரம், புங்குடுதீவு, கொழும்பு கொம்பனித்தெரு
17 May, 2026
புங்குடுதீவு 10ம் வட்டாரம், புங்குடுதீவு, கொழும்பு, Brampton, Canada
13 Jun, 2026
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
கொழும்புத்துறை, Vaddukoddai, Reggio Emilia, Italy, Slough, United Kingdom
07 Jun, 2026
