வெற்றியுடன் கணக்கை ஆரம்பித்தது இலங்கை அணி (இரண்டாம் இணைப்பு)
இரண்டாம் இணைப்பு
பங்களாதேஷ் அணியுடனான போட்டியில் இலங்கை அணி 05 விக்கெட்டுக்களால் வெற்றி பெற்றது.
165 ஓட்டங்கள் என்ற வெற்றியிலக்கை நோக்கி துடுப்பெடுத்தாடிய இலங்கை அணி 39 ஓவர்களில் 05 விக்கெட்டுக்களை இழந்து வெற்றி பெற்றது.
நிலைத்து நின்ற மத்தியவரிசை வீரர்கள்
அவ்வணி சார்பாக முன்னிலை வீரர்கள் சோபிக்கத் தவறிய போதிலும் மத்தியவரிசை வீரர்களான சமரவிக்கிரம 54, சரித்த அசலங்க ஆட்டமிழக்காமல் 62 மற்றும் அணித்தலைவர் டசுன் சானக ஆட்டமிழக்காமல் 14 ஓட்டங்களை பெற்றுக்கொடுத்தனர்.
இலங்கை அணிக்கு 165 ஓட்டங்கள் வெற்றியிலக்கு (முதலாம் இணைப்பு)
2023 ஆம் ஆண்டுக்கான ஆசியக் கிண்ண கிரிக்கெட் தொடரின் இரண்டாவது போட்டி தற்போது கண்டி பல்லேகல சர்வதேச விளையாட்டு மைதானத்தில் இடம்பெற்று வருகிறது.
இன்றைய (31) போட்டியில் இலங்கை மற்றும் பங்களாதேஷ் அணிகள் மோதுகின்றன.
நாணய சுழற்சியில் வெற்றி பெற்ற பங்களாதேஷ் அணி முதலில் துடுப்பெடுத்தாட தீர்மானித்துள்ளது.
இதன்படி அந்த அணி 42.3 ஓவர்களில் சகல விக்கெட்டுக்களையும் இழந்து 164 ஓட்டங்களை பெற்றுக்கொண்டது.
அணிசார்பில், அதிகபடியாக நஜ்முல் ஹொசைன் சாண்டோ 89 ஓட்டங்களை பெற்றுக்கொடுத்தார். துடுப்பாட்டத்தில் சோபிக்க தவறிய பங்களாதேஸ் அணியின் ஏனைய வீரர்கள் 20க்கும் குறைந்த ஓட்டங்களையே பெற்றனர்.
பந்துவீச்சில், இலங்கை அணியின் மதீஷ பத்திரண 32 ஓட்டங்களுக்கு 04 விக்கெட்டுக்களை கைப்பற்றினார்.
இலங்கை அணி 165 ஓட்டங்கள் என்ற வெற்றியிலக்கை நோக்கி துடுப்பாட தயாராகவுள்ளது.
உலகமெங்கும் உழைப்பால் தடம் பதிக்கும் ஈழத் தமிழர்கள்… 5 மணி நேரம் முன்
யாழ் நாரந்தனை கிழக்கு, Jaffna, கொழும்பு, Zürich, Switzerland
25 Apr, 2026
வேலணை மேற்கு, யாழ்ப்பாணம், கொட்டடி, யாழ்ப்பாணம், Tooting, United Kingdom, Eastham, United Kingdom
24 Apr, 2024